Don't Miss!
- News కాంగ్రెస్ లో చేరిక పై బీఆర్ఎస్ ఎమ్మెల్యే బిగ్ ట్విస్ట్..!!
- Technology ధర రూ.1099 కే నావిగేషన్ ఫీచర్ తో boAt స్మార్ట్ వాచ్! సేల్, ఫీచర్ల వివరాలు
- Sports ఆర్సీబీ తుది జట్టు అంచనా
- Finance Tata Sons IPO: టాటా సన్స్ ఐపీఓ వస్తుందా.. రాదా..!
- Lifestyle లివర్ వ్యాధి లక్షణాలు ఇవే.. వెంటనే అప్రమత్తం కావాలి..
- Automobiles హ్యుందాయ్ ఎక్స్టర్ దిమ్మ తిరిగే మైలేజ్.. ఓనర్ ఫుల్ ఖుష్.. ఫొటోలతో సహా ప్రూఫ్ ఇదిగో.!!
- Travel తెలంగాణ టూరిజం.. హైదరాబాద్ టు షిర్డీ ఫ్లైట్ టూర్ ప్యాకేజీ..
విచిత్రం: పవన్ కల్యాణ్ కి అక్కడ ఓటు హక్కు
హైదరాబాద్ : పవన్ కళ్యాణ్ కి ఎక్కడ ఓటు హక్కు ఉంది..ఉంటుంది అంటే కళ్లు మూసుకుని పవన్ నివాసముండే హైదరాబాద్ లో అని ఎవరైనా చెప్తారు. అయితే ఇప్పుడు పవన్ కళ్యాణ్ ఓటర్ గా మరో చోట...నమోదయ్యింది. తాజాగా సినీనటుడు పవన్ కల్యాణ్ పేరుతో శ్రీరాంపూర్ మండలం నస్పూర్ పంచాయతీ ఓటరు జాబితాలో 'పవర్ స్టార్' ఫోటో ప్రచురితమైంది.
వివరాల్లోకి వెళితే... పంచాయతీ పరిధిలోని నస్పూర్ కాలనీలో దేవి లచ్చయ్య ఓటరుగా ఉన్నాడు. ఆ జాబితాలో ఆయన ఫోటో ఉండాల్సిన స్థానంలో పవన్ ఫోటో ఉంది. మిగతా వివరాలన్నీ లచ్చయ్యవే. నస్పూర్ కార్యాలయంలో సిబ్బంది జాబితా పరిశీలిస్తుండగా ఈ విచిత్రం వెలుగులోకి వచ్చింది.
మరో చోట సైతం పవన్ కళ్యాణ్ తండ్రి చిరంజీవి అని...రంగారెడ్డి జిల్లా కుతుబుల్లాపూర్ లో ఓటర్ ఐడి ఇష్యూ అయ్యింది. ఆయన వయస్సు 27 అని, ఫిమేల్ అని..నమోదు అయ్యింది.ఆ ఐడి కార్డ్ నెంబర్ NVT2905752 అని ఉండటం విశేషం.
ఇటీవలే మరో మెగా హీరో రాంచరణ్ తేజను ధర్మవరం ఓటరుగా నమోదు చేయాలంటూ 27939854 ఐడీ నెంబర్తో చేసిన దరఖాస్తులో పేరు చరణ్, ఇంటిపేరు బండి, వయసు 53 ఏళ్లు, పుట్టిన తేదీ 8-6-1960, తండ్రి పేరు చిరు అని, పట్టణంలోని రాంనగర్లోని డోర్నెంబర్ 8-168ఎ ఇంట్లో నివసిస్తున్నట్లు పేర్కొన్నారు. రాంచరణ్ నటించిన మగధీర సినిమాలోని ఫొటోను జత చేశారు. అధికారులు ఈ విషయాన్ని ఆర్డీఓ దృష్టికి తీసుకు వెళ్లారు.