కొలవెరి సాంగ్ ఫేం అనిరుద్‌పై పోలీసులకు ఫిర్యాదు

చెన్నై: '3' చిత్రం ద్వారా సంగీతదర్శకుడిగా పరిచయమైన అనిరుధ్ రవిచంద్రన్ ఆ ఒక్క చిత్రంతోనే బోల్డంత పాపులార్టీ తెచ్చుకున్నాడు. దానికి కారణం ఆ చిత్రంలో అన్ని పాటలూ హిట్ అవ్వడమే. ముఖ్యంగా అందులోని 'కొలవెరి..' పాట ఎవరూ ఊహించని విధంగా సూపర్ డూపర్ హిట్ అయ్యింది.

తాజాగా ఈ యువ సంగీత దర్శకుడు అనిరుద్ రవిచంద్ర్ చిక్కుల్లో పడ్డారు. తాజాగా అతనిపై ఓ లాయర్ పోలీస్ ఫిర్యాదు చేసారు. అమర్యాదకరమైన సాహిత్యంతో కూడిన ఓ సాంగును అతను యూట్యూబులో పోస్టు చేసి తన సోషల్ నెట్కర్కింగు ద్వారా షేర్ చేయడమే ఇందుకు కారణం.

సెన్సార్ చేయని ఆ పాటను పోస్టు చేసిన అతనిపై పోలీసులు చర్యలు తీసుకోవాలిన సదరు లాయర్ డిమాండ్ చేసారు. సదరు సాంగ్ వీడియో మహిళలను అవమానించే విధంగా, మతపరమైన భావాలను కించపరిచే విధంగా ఉందని ఫిర్యాదు దారుడు ఎస్.జేబదాస్ పేర్కొన్నారు. వెంటనే ఆ వీడియో రిమూవ్ చేసి అనిరుధ్ రవించంద్రన్‌పై చర్యలు తీసుకోవాలని కోరారు.

ఆ సంగతి పక్కన పెడితే...అనిరుధ్ తనను మోసం చేశాడని వరుణ్ మణియన్ అనే నిర్మాత ఆరోపించారు. ప్రస్తుతం తను నిర్మిస్తున్న 'వాయై మూడి పేసవుమ్' అనే చిత్రానికి పాటలివ్వడానికి అనిరుధ్ ఒప్పుకున్నాడని, అతనికి 5 లక్షల రూపాయలు అడ్వాన్స్ ఇచ్చానని వరుణ్ మణియన్ పేర్కొన్నారు. కానీ, అనిరుధ్ పాటలివ్వలేదని, దాంతో వేరే సంగీతదర్శకుణ్ణి పెట్టుకున్నానని ఆయన తెలిపారు. అనిరుధ్ అడ్వాన్స్ వెనక్కి తిరిగి ఇవ్వలేదని, అతనిపై చర్య తీసుకోవాలని నిర్మాతల మండలిలో ఫిర్యాదు చేశారు వరుణ్ మణియన్.