ఓ వైపు డ్రగ్స్ కేసు కలకలం: రామానాయుడు స్టూడియోకు పోలీసులు!

రామానాయుడు స్టూడియోకు పోలీసులు ఎందుకొచ్చినట్లు?

డ్రగ్స్ కేసు వ్యవహారం నేపథ్యంలో కొన్ని రోజులుగా విదేశాల నుండి వచ్చిన పార్సిల్స్ మీద ఎక్సైజ్ అధికారులు ప్ర‌త్యేక నిఘా పెట్టారు. ఈ క్ర‌మంలో విదేశాల నుండి రామానాయుడు స్టూడియోకి పార్సిల్ రావడంతో ఎక్సైజ్ శాఖ సీఐ పరిశీలించేందుకు వెళ్ళారు.

Recommended Video

Ravi Teja Hints Some One Names And Hides Some names

అసలు ఏం పార్శిల్ వచ్చింది?

ఎక్సైజ్ సీఐ రామానాయుడు స్టూడియోకు వచ్చిన నేపథ్యంలో నిర్మాత సురేష్ బాబు స్పందించారు. వెన్ను నొప్పిని త‌గ్గించేందుకు రానా ఓ పరిక‌రాన్ని విదేశాల నుండి తెప్పించుకున్నాడు. అది ప‌రిశీలించ‌డానికే ఎక్సైజ్ అధికారులు స్టూడియోకి వ‌చ్చార‌ని తెలియ‌జేశారు.

రానా, అభిరామ్ పేరు రావడంపై

కొన్ని రోజుల క్రితం డ్రగ్స్ కేసు వ్యవహారంలో రానా, అభిరామ్ పేర్లు వార్తలు వినిపించాయి. అపుడు వెంటనే సురేష్ బాబు స్పందించారు. తన కొడుకులకు డ్రగ్స్ కేసుతో ఎలాంటి సంబంధం లేదని, మమ్మల్ని ఇందులోకి లాగొద్దని కోరారు.

కావాలనే

ఓ సెక్షన్ మీడియా కావాలనే నా కుమారులు రానా, అభిరామ్ ను డ్రగ్స్ వివాదంలోకి లాగుతోంది. మాకు ఇప్పటివరకు ఎలాంటి నోటీసులు అందలేదు. మాకు ఎవరూ కాల్ కూడా చేయలేదు. మా కుటుంబంలో ఏ ఒక్క వ్యక్తికి ఈ వివాదంతో సంబంధం లేదు అని సురేష్ బాబు వివరణ ఇచ్చారు.