Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
‘సాహో’ భారీ బడ్జెట్ గురించి క్లారిటీ ఇచ్చిన ప్రభాస్
తన తర్వాతి సినిమా సుజీత్ దర్శకత్వంలో ‘సాహో’ పేరుతో తెరకెక్కుతోందని ప్రభాస్ తెలిపారు.
హైదరాబాద్: యంగ్ రెబల్ స్టార్ ప్రభాస్ ప్రస్తుతం 'బాహుబలి 2' షూటింగులో బిజీగా గడుపుతున్న సంగతి తెలిసిందే. ఈ సినిమా ప్రమోషన్స్ పూర్తికాగానే ప్రభాస్ తన తర్వాతి సినిమా షూటింగులో బిజీ కాబోతున్నాడు.
బాహుబలి 2 ఇంటర్వ్యూలో ప్రభాస్ ను తన తర్వాతి సినిమా విషయమై ప్రశ్నించగా అందుకు సంబంధించిన వివరాలు వెల్లడించారు. తన తర్వాతి సినిమా సుజీత్ దర్శకత్వంలో 'సాహో' పేరుతో తెరకెక్కుతోందని, ఔట్ అండ్ ఔట్ యాక్షన్ ఎంటర్టెనర్ గా రూ. 150 కోట్ల బడ్జెట్ తో రూపొందుతోందన్నారు.
త్వరలో అఫీషియల్ ప్రకటన
‘సాహో' టైటిల్ విషయమై త్వరలోనే అఫీషియల్ ప్రకటన వెలువడనుంది, ఫస్ట్ లుక్ పోస్టర్ రిలీజ్ కార్యక్రమం ఎప్పుడనేది ఇంకా నిర్ణయించలేదు అని ప్రభాస్ తెలిపారు. ప్రభాస్ స్వయంగా ఈ ప్రాజెక్టుకు గురించి వెల్లడించడంతో అభిమానుల్లో ఈ సినిమా టైటిల్ గురించిన అనుమానాలు తొలగిపోయాయి.
బాహుబలి-ది కంక్లూజన్ తో పాటు సాహో
బాహుబలి-ది కంక్లూజన్ ఈ నెల 28న విడుదల కాబోతున్న సంగతి తెలిసిందే. ఈ సినిమాతో పాటే ‘సాహో' ఫస్ట్ లుక్. టీజర్ రిలీజ్ చేసేందుకు ప్లాన్ చేస్తున్నారట. ఇలా చేయడం వల్ల ‘సాహో'కు దేశ వ్యాప్తంగా పబ్లిసిటీ వస్తుందని నిర్మాతలు భావిస్తున్నారు.
ప్రభాస్ రేంజికి తగిన విధంగా
బాహుబలి సినిమా తర్వాత ప్రభాస్ నేషనల్ స్టార్ అయ్యాడు. ఇపుడు ఆయన సినిమాలకు తెలుగుతో పాటు తమిళం, హిందీలో కూడా మంచి డిమాండ్ ఉంది. అందుకే సినిమాకు బడ్జెట్ ఎక్కువైనా మూడు భాషల్లో తీస్తున్నారు.
19వ మూవీ
ప్రభాస్ కెరీర్లో ఇది 19వ సినిమా. రూ. 150 కోట్ల బడ్జెట్ ఖర్చు పెడుతున్నపుడు అందుకు తగిన విధంగానే మార్కెటింగ్ ప్లాన్స్ కూడా ఉంటాయి. నిర్మాతలు అవన్నీ బేరీజు వేసుకుని మరీ ఇంత బడ్జెట్ పెట్టడానికి ముందుకు వచ్చినట్లు తెలుస్తోంది.