మహేశ్‌బాబు చేతుల మీదుగా... సితార లాంచ్

మెగా హీరో సాయిధరమ్ తేజ్ నటిస్తున్న విన్నర్ చిత్రంలోని పాటను ప్రిన్స్ మహేశ్ బాబు బుధవారం తన సోషల్ మీడియా పేజీల ద్వారా విడుదల చేయనున్నారు. దర్శకుడు మలినేని గోపిచంద్, సాయిధరమ్ తేజ్ కాంబినేషన్‌లో ఈ చిత్రం తెరకెక్కుతున్న సంగతి తెలిసిందే. ప్రముఖ దర్శకుడు మురగదాస్ చిత్రంలో నటిస్తున్న మహేశ్ .. ఆ చిత్ర షూటింగ్ లొకేషన్ నుంచి విన్నర్ సినిమాలోని పాటను రిలీజ్ చేయనున్నారు.

విన్నర్ చిత్రం షూటింగ్ పూర్తి చేసుకొని పోస్ట్ ప్రొడక్షన్‌లో బిజీగా ఉంది. తమన్ సంగీతం అందించిన ఆడియోను విడుదల చేసేందుకు చిత్ర నిర్మాతలు ఏర్పాటు చేస్తున్నారు. ఈ చిత్ర ప్రమోషన్‌లో భాగంగా మహేశ్‌తో ఓ పాటను విడుదల చేయాలని నిర్ణయించారు. ప్రిన్స్ ముద్దుల కూతురు పేరు కూడా సితార కావడం గమనార్హం.

ఈ సందర్భాన్ని పురస్కరించుకొని మహేశ్‌బాబుకు సాయిధరమ్ తేజ్, తమన్ ట్వీట్టర్ లో ధన్యవాదాలు తెలిపారు. సహృదయుడైన మహేశ్ పాటను లాంచ్ చేయడం ఆనందంగా ఉందని ట్విట్టర్ లో పేర్కొన్నారు.