సూపర్ సెక్సీ : రామ్ చరణ్ హీరోయిన్ ఫొటో షూట్ (ఫొటోలు)

ఫ్యామిలీ..

మా నాన్న పంజాబీ, అమ్మ బీహారీ. నేను పుట్టింది జార్ఖండ్‌లో. పెరిగింది ఎక్కడంటే ఏం చెప్పను! ఒక్కచోటని కాదు.. లక్నో, రాయ్‌బరేలీ, అమెరికా, ముంబయి.. ఇలా చదువు కోసం దేశవిదేశాల్లో తిరిగాను.

నిజమే...

నాన్న సైన్యంలో వైద్యుడిగా సేవలందించారు. ఆయన ఉద్యోగరీత్యా చాలా చోట్ల తిరిగి చదువుకోవాల్సి వచ్చింది. అమ్మాయిలకి నాన్నంటే అభిమానం ఎక్కువంటారు కదా! ఇది నా విషయంలోనూ నిజమే.

తెగ బాధపడేదాన్ని

చిన్నప్పుడు నేను ఆస్తమాతో తెగ బాధపడేదాన్ని. దాంతో నాన్న నిరంతరం నన్ను కనిపెట్టుకొని ఉండేవారు. అలా ఆయనే లోకంగా పెరిగాను. అలాగని గారాబం డాట్‌కామ్‌ అనుకునేరు. నన్నూ తమ్ముణ్నీ కఠిన క్రమశిక్షణతోనే పెంచారు.

అప్పుడేమో..

అమెరికాలో బంధువులింట్లో ఉండి చదువుకొన్నప్పుడు ఖర్చులకు వారానికి పది డాలర్లు ఇచ్చే వారు. అది ఏ మూలకూ సరిపోయేది కాదు. కొత్త ఫ్యాషన్లు కంటపడేవి. కానీ వాటి జోలికి వెళ్లే పరిస్థితి ఉండేది కాదు.

కొనుక్కునేదాన్ని

ఒళ్లంతా మునిగిపోయినట్టుండే పెద్ద టీషర్టు, వదులుగా కనిపించే బ్యాగీ జీన్స్‌.. ఇలా కళాశాలకు వెళ్లేదాన్ని. నాకేమో చిరుగుల జీన్స్‌ కొనుక్కోవాలని కల. దాన్ని ఎలా తీర్చుకోవాలి? బయట చిరుతిళ్లు కొనడం తగ్గించుకొని, పాకెట్‌మనీలో మిగుల్చుకుని కోరుకున్న జీన్స్‌ కొనుక్కొనేదాన్ని.

నాలో నేను...

స్కూలు రోజుల నుంచీ నేను కాస్త సిగ్గరిననే చెప్పాలి. అంటే నాలో నేను తరహా. మరీ బాధ కలిగితే ఎవరూ చూడకుండా ఏడ్చేదాన్ని. ఇంకా బాధనిపిస్తే మనసు లోతులని వెతుకుతూ కవిత్వం రాసేదాన్ని. చిన్న కథలూ కవితలూ చాలానే రాశాను. కానీ పోటీలకు పంపలేదు. ఎవరికీ చదివి వినిపించలేదు.

అప్పుడూ ఇప్పుడూ ...

చిన్న చిన్న ఆనందాలతో సేదతీరడం, ఉత్సాహం పొందడం నాకలవాటే. జోరున వర్షం కురుస్తుంటే టెర్రస్‌ మీదకెళ్లి ఆనందిస్తాను. స్వర్గం ఏడిస్తే ఇలా వానలా పడుతుందని నా ఆలోచన. కిటికీ దగ్గర కూర్చుని కప్పు కాఫీతో కురిసే వర్షాన్ని ఆనందించడమంటే ఇంకా ఇష్టం. 'టప్‌ టప్‌ బర్‌సాతే..' గీతం నాకెంతో ఇష్టమైనది. ప్రముఖుల జీవిత చరిత్రలు చదవడం, ఉపయోగపడే అంశాలను ఆచరణలోకి తెచ్చుకోవడం చేస్తుంటాను.