పైసా వసూల్ లో బాలయ్య లుక్ విషయమై మాట్లాడిన పూరీ

అప్పటివరకూ ఉన్న బాలయ్య వేరు

నిజానికి బాలయ్యా, పూరీ కాంబో అనగానే ఆనందం తో పాటూ చాలామందికి ఆశ్చర్యం కూడా కలిగిన మాట వాస్తవం, ఎందుకంటే అప్పటివరకూ ఉన్న బాలయ్య వేరు, పూరీ మార్క్ కి సరిపోయే హీరో వేరు. అసలూ ఈ కాంబో ఎలాఉంటుందీ అన్న ఆసక్తి మొదలయ్యింది.ఫస్ట్‌‌లుక్‌కే అంతా పడిపోయారు.

బాలయ్యని చూసి షాక్ తిన్నారు

టీషర్ట్ జీన్స్, డిఫరెంట్‌గా ఉన్న మీసాలు.., టోటల్ బాడీ లాంగ్వేజ్ మారిపోయి ఫంకీ స్టైల్ లో కనిపిస్తున్న బాలయ్యని చూసి షాక్ తిన్నారంతా... ఇక టీజర్ వచ్చాక అయితే పిచ్చెక్కిపోయారు. అప్పటి దాకా తొడకొట్టి, వేటకొడవలీ, గొడ్దలీ లాంటి ఆయుధాలతో కనిపించిన బాలయ్య ఒక్కసారి ఇలా కనిపించటం అసలు ఎవ్వరూ ఊహించనిది. మరి ఈ కోణాన్ని అసలు పూరీ ఎలా ఊహించాడన్నదే అందరూ అనుకున్నది. ఆ ప్రశ్నకి తానే స్వయంగా ఆన్సర్ ఇచ్చాడు పూరీ

'బాలయ్యలో ఎంటర్టైన్మెంట్ యాంగిల్

ఇది ఎలా సాధ్యమైంది అని పూరిని అడిగితే.. ''బాలయ్యలో నేను ఎంటర్టైన్మెంట్ యాంగిల్ చూశా. ఆయన గత 15 ఏళ్లుగా సీరియస్ సినిమాలే చేస్తున్నారు. దాదాపుగా ఒకే మేనరిజమ్స్.. డైలాగ్ డెలివరీ మెయింటైన్ చేస్తున్నారు. అందుకే నేను కొంచెం డిఫరెంటుగా ట్రై చేశా. ఏ డైలాగ్ చెప్పినా కొంచెం నవ్వుతో చెప్పమని.. దానికి కామెడీ టచ్ ఇవ్వమని చెప్పా. అది బాగా వర్కవుటైంది'' అని పూరి తెలిపాడు.

బాలయ్య అండగా నిలిచాడు

'పైసా వసూల్' సినిమాతో బాలయ్య ఒక హీరోగానే కాక.. వ్యక్తిగానూ తనకు చాలా నచ్చాడని.. ఆయనపై తనకు ఎంతో గౌరవం పెరిగిందని పూరి చెప్పాడు. డ్రగ్స్ కేసుకు సంబంధించి తాను సిట్ అధికారుల విచారణకు హాజరైన సమయంలో తనతో పాటు తన కుటుంబం మొత్తానికి బాలయ్య అండగా నిలిచారని పూరి కొనియాడాడు.