Don't Miss!
- Finance RBI: 2000 నోట్లపై కీలక ప్రకటన చేసిన ఆర్బీఐ..
- Technology 50MP సెల్ఫీ కెమెరా తో Samsung కొత్త ఫోన్! లాంచ్,ధర వివరాలు
- News కొంచెం ఓపిక పడితే .. అమరావతి రైతులకు మాజీ సీజేఐ ఎన్వీ రమణ ఊరట..!
- Sports RCB vs KKR: దాన్ని నైట్ రైడర్స్ బ్రేక్ చేయగలదా?
- Automobiles ప్రపంచంలోనే 'ది బెస్ట్ కారు' ఇదే.. 29 దేశాల నుంచి 100 మంది ఆటో మొబైల్ జర్నలిస్ట్లు ఎంపిక చేసిన కారు ఏదంటే??
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
విడాకులు తీసుకున్న రాఘవేంద్రరావు కొడుకు, కోడలు.. ఏం జరిగిందంటే?
కంగనా రనౌత్, రాజ్ కుమార్ రావు ప్రధాన పాత్రల్లో తెరకెక్కిన 'జడ్జిమెంటల్ హై క్యా' మూవీ ఇటీవల విడుదలైంది. ఈచిత్రానికి రాఘవేంద్రరావు కుమారుడు ప్రకాష్ కోవెలమూడి దర్శకత్వం వహించారు. కనికా థిల్లా కథ అందించారు. ప్రకాష్-కనికా 2014లో పెళ్లి చేసుకున్న సంగతి తెలిసిందే.
తెలుగు మీడియాలో 'జడ్జిమెంటల్ హై క్యా' సినిమాకు సంబంధించిన న్యూస్ రాసినప్పుడల్లా చాలా మంది ఇది రాఘవేంద్రరావు కొడుకు, కోడలు కలిసి చేస్తున్న సినిమా, భార్య భర్తలు కలిసి విభిన్నమైన సినిమా చేస్తున్నారు అని రాసేవారు. అయితే తాజాగా ఓ షాకింగ్ నిజం బయట పడింది. ఈ ఇద్దరూ విడిపోయి చాలా కాలం అయిందట.
రెండేళ్ల క్రితమే విడిపోయారట
తాజాగా ఓ బాలీవుడ్ ఎంటర్టెన్మెంట్ వెబ్ సైట్ వెల్లడించిన కథనం ప్రకారం... రెండేళ్లక్రితమే ఇద్దరి వైవాహిక బంధం బీటలువారిందట. ఏక్తా కపూర్ నిర్మాణంలో ‘జడ్జిమెంటల్ హై క్యా' సినిమా షూటింగ్ ప్రారంభం కావడానికి ముందే ఇది జరిగింది.
వారే స్వయంగా వెల్లడించారు
‘అవును.. మేము విడిపోయాం. అయితే జడ్జిమెంటల్ హై క్యా సినిమా సమయంలో కాదు, రెండేళ్ల క్రితమే ఆ మూవీ షూటింగ్ మొదలవ్వడానకి ముందే ఇది జరిగింది.' అంటూ ఈ మాజీ దంపతులు జాయింట్ స్టేట్మెంట్ ఇచ్చారు. ప్రకాష్ కోవెలమూడి తాము విడిపోవడానికి గల కారణం ఏమిటో వెల్లడించే ప్రయత్నం చేసినప్పటికీ... కనికా థిల్లాన్ మాత్రం ఈ విషయంలో నోరు మెదపడం లేదు.
విడాకులపై ప్రకాష్ కోవెలమూడి స్పందిస్తూ...
‘‘మేము హైదరాబాద్లో సెటిలయ్యాం.. నా సోషల్ సర్కిల్ అంతా అక్కడే ఉంది, కానీ ఆమె రెండేళ్ల క్రితమే ముంబై షిప్ట్ అయ్యారు.'' అని ప్రకాష్ వెల్లడించారు. ‘‘మేము ఎందుకు విడిపోయాం అనేది ముఖ్యం కాదు, ఇప్పటికీ స్నేహితులుగానే ఉన్నాం. ఇద్దరి అంగీకారంతోనే ఈ నిర్ణయం తీసుకున్నాం' అని కనికా తెలిపారు.
ఇద్దరం కలిసి పని చేస్తాం
భవిష్యత్తులో కూడా మీరు కలిసి పని చేస్తారా? అనే ప్రశ్నకు ప్రకాష్ కోవెలమూడి స్పందిస్తూ... ‘‘ఎందుకు పని చేయం? చేస్తాం. మేము విడిపోయిన తర్వాతే జడ్జిమెంటల్ హై క్యా సినిమా చేశాం. ఇద్దరి మధ్య రిలేషన్ బాగానే ఉంది. భవిష్యత్తులో కూడా మరిన్ని సినిమాలకు కలిసి పని చేస్తాం.'' అన్నారు.