‘జై లవ కుశ’ టీజర్‌పై రాజమౌళి స్పందన, జై పాత్రలో ప్రత్యేకత అదే...

జై లవకుశ టీజర్ మీద రాజమౌళి ట్వీట్ చేశారు. టీజర్ అద్భుతంగా ఉందని ప్రశంసించారు.

By Bojja Kumar

Updated: Friday, July 7, 2017, 10:26 [IST]

హైదరాబాద్: ఎన్టీఆర్ నటించిన 'జై లవ కుశ' టీజర్ గురువారం విడుదలైన సంగతి తెలిసిందే. ఇందులో ఎన్టీఆర్ మూడు పాత్రల్లో నటిస్తుండగా ఈ రోజు విడుదలైన టీజర్ ద్వారా 'జై' పాత్ర ఎలా ఉండబోతోంది అనేది పరిచయం చేశారు.

ఇండియన్ సినీ చరిత్రలో ఎన్నడూ లేని విధంగా ఇందులో ఓ ప్రత్యేకత ఉంది. జై పాత్రను నిశితంగా పరిశీలిస్తే..... అతడి చేతికి సంకెళ్లు వేసినట్లు గొలుసులు కనిపిస్తున్నాయి. దానికి చివర్లో ప్రమాదకరమైన గొడ్డలి ఆయుధం ఉంది.

అత్యంత క్రూరంగా

దీన్ని బట్టి ‘జై' పాత్ర ఎంత క్రూరంగా ఉంటుందో అర్థం చేసుకోవచ్చు. అతడి శరీరంలో గొడ్డలి ఆయుధం కూడా ఓ భాగం అయిపోయింది. ఆయుధాన్ని తన నుండి ఎవరూ దూరం చేయడానికి వీల్లేకుండా దాన్ని తన చేతికి ఫిక్స్ చేసుకున్నాడు.