ఆర్ నారాయణ మూర్తి ‘రాజ్యాధికారం’(డిస్క్ ఫంక్షన్)

రాజ్యాధికారం

‘‘దళితులను, పేదలను పీక్కుతినే భూస్వాములు, పెత్తందార్లపై రామయ్య అనే పేద దళిత రైతు చేసిన తిరుగుబాటు ఈ చిత్రం. ఆయన ముగ్గురు కొడుకుల్లో ఇద్దరు చిన్నప్పుడే తప్పిపోయి, ఒకతను ముస్లిం కుటుంబంలో పెరిగితే, మరొకతను ఉద్యమకారుడిగా ఎదుగుతాడు. అమాయకుడైన ఇంకో కొడుకు తండ్రి దగ్గరే పెరుగుతాడు. నేడు సమాజంలో జరుగుతున్న వాస్తవిక అంశాలను తీసుకొని, ‘రాజ్యాధికారం' కోసం పెత్తందారులు చేసే అరాచకాలు ఎలా ఉంటున్నాయో, ఆ అరాచకాలకు సామాన్యులు ఎలా బలవుతున్నారో ఈ చిత్రంలో చూపించానని నారాయణ మూర్తి తెలిపారు.

షూటింగ్

ఖమ్మంలోని కొత్తగూడెం, పాల్వంచ, పాండురంగాపురం, సీతారామపట్నం, భద్రాచలం ప్రాంతాల్లో, తూర్పుగోదావరి జిల్లాలోని నాయకంపల్లి, కాట్రావులపల్లి గ్రామాల్లో, శ్రీకాకుళంలోని లక్ష్మింపేటలో చిత్రీకరణ జరిపాం. ఇటీవల విడుదల చేసిన పాటలు మంచి ఆదరణ పొందాయి.

నటీనటులు

తనికెళ్ల భరణి (ద్విపాత్రలు), ఎల్బీ శ్రీరామ్‌, తెలంగాణ శకుంతల, పద్మావతీ నాయక్‌, అమరేంద్ర, కె.బి. ఆనంద్‌, రాంబాబు, వీరభద్రం, సైదులు, అయూబ్‌ తదితరులు నటించారు.

తెర వెనక

ఈ చిత్రానికి పాటలు: వంగపండు ప్రసాదరావు, గోరటి వెంకన్న, జయరాజ్‌, వరంగల్‌ శ్రీనివాస్‌, దయానర్సింగ్‌, గిద్దే రామనర్సయ్య, కమటం రామస్వామి, నేపథ్యగానం: వందేమాతరం శ్రీనివాస్‌, కమటం రామస్వామి, కథ, చిత్రానువాదం, మాటలు, ఛాయాగ్రహణం, కూర్పు, సంగీతం, నిర్మాణం, దర్శకత్వం: ఆర్‌. నారాయణమూర్తి.