హోమ్

న్యూస్

హైదరాబాద్ : మెగా పవర్ స్టార్ రామ్ చరణ్ తేజ్ పేరు మీద జపాన్ దేశంలో బిస్కట్ ప్యాకెట్లు వెలుగు చూడటంతో కొన్ని రోజు క్రితం పాఠకుల దృష్టికి తెచ్చాం. Ezaki Glico Co., Ltd అనే కంపెనీ ఈ బిస్కెట్లు తయారు చేసింది. అయితే తాజాగా ఈ విషయానికి సంబంధించిన షాకింగ్ విషయాలు వెలుగులోకి వచ్చాయి.

ఈ కంపెనీ 2,460 యెన్లు(దాదాపుగా రూ. 1500) చార్జితో....మనం ఎవరి ఫోటో ఇస్తే వారి ఫోటోలతో బిస్కెట్ ప్యాకెట్లు తయారు చేసి ఇస్తుంది. పెళ్లి రోజు, పుట్టిన రోజు లాంటి సందర్భాల్లో ఇలాంటి తయారు చేయించి గిఫ్టుగా ఇస్తుంటారట జపనీయులు. http://s-bisco.jp/ అనే వెబ్ సైట్లో ఇందుకు సంబంధించిన పూర్తి వివరాలు ఉన్నాయి.

రామ్ చరణ్

మరి అక్కడ రామ్ చరణ్ పేరుతో ఈ బిస్కెట్లు తయారు చేయించింది ఎవరో? కానీ......చాలా లేటుగా అసలు విషయం బయట పడింది. గతంలో మగధీర చిత్రం జపాన్లో విడుదల కావడంతో బహుషా ఎవరైనా అభిమానంతో చరణ్ పేరుతో ఈ బిస్కెట్లు తయారు చేయించారేమో...?

రామ్ చరణ్ సినిమాల విషయానికొస్తే...ప్రస్తుతం రామ్ చరణ్ వంశీ పైడిపల్లి దర్శకత్వంలో 'ఎవడు' షూటింగులో పాల్గొంటున్నాడు. దీని తర్వాత కొరటాల శివ దర్శకత్వంలో మరో సినిమా చేయబోతున్నాడు. ఇక రామ్ చరణ్ నటించిన బాలీవుడ్ మూవీ 'జంజీర్' త్వరలో తెలుగులో 'తుఫాన్' పేరుతో విడుదల కానుంది.