మరో లీక్: రామ్ చరణ్ లుక్ ఊరమాస్ (ఫోటోస్)

లీకైన ఫోటో ఇదే

తాజాగా సోషల్ మీడియాలో లీకైన ఫోటో ఇదే. ఈ చిత్రం షూటింగ్ ప్రస్తుతం రాజమండ్రి పరిసర ప్రాంతాల్లో జరుగుతోంది. విలేజ్ కుర్రాడిగా రామ్ చరణ్ మాస్ లుక్ లో కనిపించబోతున్నాడు.

ఇప్పటి వరకు ఎప్పుడూ చేయని రోల్

రామ్ చరణ్ తన కెరీర్లో ఇప్పటి వరకు ఎప్పుడూ చేయని ఓ భిన్నమైన క్యారెక్టర్ ఇది. ఇందులో రామ్ చరణ్ మాటతీరుగానీ, బాడీ లాంగ్వేజ్ గానీ చాలా భిన్నంగా ఉంటుందని, అభిమానులను మెప్పిస్తుందని చిత్ర యూనిట్ సభ్యులు అంటున్నారు.

స్టోరీపై రకరకాల ప్రచారం

ఈ సినిమా స్టోరీపై రకరకాల ప్రచారం ఉంది. హీరో పల్లెటూరి అబ్బాయి. అతడు చెవిటివాడు. అమాయకుడైన పల్లెటూరి యువకుడు పట్నంలో అడుగుపెట్టాల్సి వస్తుంది. అక్కడ ప్రయోగశాలతో చేరిన అతడిపై ఓ ప్రయోగం జరుగుతుందట. ఆ తర్వాత హీరో జీవితంలో చోటుచేసుకొన్న పరిస్థితులు.. వాటిని ఎలా ఎదుర్కొన్నాడన్నదే స్టోరీ అంటూ ఓ రూమర్ ఉంది.

చెవిటి, మూగ?

80ల నాటి పల్లెటూరి ప్రేమకథ నేపథ్యంలో ఈ సినిమా ఉంటుందని...., హీరోకు చెవుడు, హీరోయిన్ మూగ అనే ప్రచారం జరుగుతోంది. అయితే ఇందులో నిజం ఎంతో తేలాల్సి ఉంది.

మైత్రి మూవీ మేకర్స్

ఈ సినిమాలో రామ్ చరణ్ సరసన సమంత హీరోయిన్ గా నటిస్తోందని సమాచారం. ఈ సినిమాలో మరో హీరోయిన్ కూడా ఉంటుందని టాక్. మైత్రి మూవీ మేకర్స్ పతాకంపై నిర్మించబడుతున్న ఈ సినిమాకి దేవిశ్రీ ప్రసాద్ సంగీతం అందిస్తున్నారు.