దాసరి కామెంట్స్... రామ్ చరణ్ స్పందన ఇలా... (వీడియో)

హైదరాబాద్: తాను నటించిన ‘బ్రూస్ లీ' సినిమా ‘రుద్రమదేవి' సినిమాతో క్లాష్ కావడంలో తమ ఫాల్ట్ ఏమీ లేదని రామ్ చరణ్ మరోసారి స్పష్టం చేసారు. ప్రస్తుతం ‘బ్రూస్ లీ' ప్రమోషన్లలో బిజీగా ఉన్న రామ్ చరణ్ ఇటీవల ‘రుద్రమదేవి' ప్రెస్ మీట్ లో దాసరి నారాయణరావు చేసిన కామెంట్లపై స్పందించారు.

‘బ్రూస్ లీ సినిమా రిలీజ్ డేట్ చాలా రోజుల క్రితమే ఫైనలైజ్ చేసాం. అప్పటికి తమకు ‘రుద్రమదేవి' విడుదల గురించి చిన్న క్లూ కూడా లేదు. ఈ విషయం మాకు ముందుగా తెలిసి ఉంటే రిలీజ్ డేట్ మార్చుకునే వాళ్లం. ఇప్పటికే రిలీజ్ కు సంబంధించి అన్నీ సెట్ చేసాం. చాలా బిజినెస్ ఇందులో ఇన్ వాల్వ్ అయి ఉంటుంది. ఇపుడు మేము కూడా ఏమీ చేయలేని పరిస్థితి' అని అని రామ్ చరణ్ తెలిపారు.

ఇటీవల రుద్రమదేవి సక్సెస్ మీట్ లో దాసరి నారాయణ మాట్లాడుతూ బ్రూస్ లీ సినిమా మరో తేదీకి వాయిదా వేసుకుంటే బావుండేదని పరోక్షంగా సూచించిన సంగతి తెలిసింద. అంతటితో ఆగని దాసరి ఈ విషయంలో వివాదం చెలరేగేలా కామెంట్స్ చేసారు. అయితే రామ్ చరణ్ మాత్రం ఈ విషయంలో కూల్ గా సమాధానం ఇచ్చాడు.