5 వేల కోసం చిరు పడ్డ ఇబ్బందులు, ఇల్లు గడవని పరిస్థితి.. ఆదుకున్నది ఆయనే.. రాంచరణ్!

యూవీ క్రియేషన్స్

ఈ చిత్ర నిర్మాతలు యూవీ క్రియేషన్స్ వారు తనకు చిన్నప్పటి నుంచి తెలుసు అని రాంచరణ్ తెలిపాడు. యూవీ క్రియేషన్స్ నుంచి వచ్చిన ప్రతి చిత్రం.. చిన్న చిత్రం, పెద్ద చిత్రం అని తేడా లేకుండా అన్నీ సూపర్ హిట్ అవుతున్నాయని రాంచరణ్ అభినందించారు.

సాయిపల్లవి సాంగ్ కేక

ట్రైలర్ చూసిన తరువాత ఈ చిత్రం తప్పనిసరిగా విజయవంతం అవుతుందని భావిస్తున్నట్లు రాంచరణ్ తెలిపాడు. చిత్ర సంగీత దర్శకుడు శక్తి కాంత్ ని కూడా చరణ్ ప్రశంసించాడు. ఫిదా చిత్రంలోని సాయిపల్లవి సాంగ్ 'వచ్చిండే' తనకు చాలా ఇష్టమని తెలిపాడు.

5 వేలు అప్పు కోసం మెగాస్టార్

ఈ ఆడియో వేడుక సందర్భంగా సుమంత్ అశ్విన్ తండ్రి ఎంఎస్ రాజు కుటుంబంతో ఉన్న అనుబంధాన్ని గుర్తుచేసుకున్నారు. నాన్న గారు కెరీర్ ఆరంభంలో జరిగిన ఓ విషయాన్ని తనతో ఇటీవల ప్రస్తావించారని తెలిపాడు. ఓ నెలలో 5 వేలు అప్పు దొరకక ఇల్లు గడవని పరిస్థితిలో అమ్మా, నాన్న ఉన్నారని తెలిపాడు.

అప్పు ఇచ్చింది ఆయనే

ఆ సమయంలో సినిమాలు చేస్తున్న నిర్మాతలని అడిగితే వాళ్ళు ఇవ్వలేని పరిస్థితిలో ఉన్నారు. చివరి ప్రయత్నంగా ఎంఎస్ రాజు తండ్రి అయ్యప్ప రాజుని అడిగారు. ఆయన వెంటనే నాన్నకు 5 వేలు ఇచ్చి ఆదుకున్నారని రాంచరణ్ తెలిపారు. తాను ఈవేడుకకు నిహారిక కోసం రాలేదని ఎంఎస్ రాజు కుటుంబం కోసమే వచ్చానని తెలిపాడు.

సైరా గురించి అప్డేట్

సిరివెన్నెల సీతా రామశాస్త్రి గురించి మాట్లాడుతూ.. నా తొలి చిత్రానికి ఆయన సాంగ్ రాశారు. సైరా చిత్రంలో చాలా కీలకమైన పాట రాస్తున్నారని రాంచరణ్ వివరించారు. సైరా చిత్రం స్వాతంత్ర సమరయోధుడు ఉయ్యాలవాడ నరసింహా రెడ్డి జీవిత చరిత్ర ఆధారంగా తెరకెక్కుతోంది.

మురళి శర్మతో

ఇక ఈ చిత్రంలో కీలక పాత్రలో నటించిన మురళి శర్మ గురించి చరణ్ ప్రస్తావించాడు. ఆయనతో తాను ఎవడు చిత్రంలో నటించాను. త్వరలో మళ్ళీ కలసి నటించాలని కోరుకుంటున్నా అని చరణ్ తెలిపాడు.