రెడ్ మూవీ ట్విట్టర్ రివ్యూ: రామ్ కెరీర్‌లోనే తొలిసారి.. ఫస్టాఫ్ అలా.. సెంకండాఫ్ ఇలా.. మైనస్ ఇవే!

భారీ హిట్ తర్వాత రామ్ అలా వచ్చాడు

‘ఇస్మార్ట్ శంకర్' వంటి భారీ హిట్ తర్వాత రామ్ పోతినేని నటించిన చిత్రం ‘రెడ్'. కిశోర్ తిరుమల దర్శకత్వంలో తెరకెక్కిన ఈ సినిమాను సొంత బ్యానర్‌లో స్ర‌వంతి ర‌వికిషోర్ నిర్మించారు. ఇందులో హీరోయిన్లు మాళవిక, నివేదా పేతురాజ్, అమృత అయ్యర్‌లు నటించారు. అలాగే, రామ్ తన సుదీర్ఘమైన కెరీర్‌లో తొలిసారి ద్విపాత్రభినయం చేశాడు. మణిశర్మ మ్యూజిక్ అందించాడు.

తగ్గిన థియేటర్లు.. అద్భుతమైన స్పందన

సంక్రాంతి పండుగ సమయంలో తెలుగు సినిమాలకు విశేషమైన స్పందన ఉంటుంది. అయితే, ఈ సారి మన చిత్రాలను కాదని.. తమిళ పరిశ్రమకు చెందిన ‘మాస్టర్'కు ఎక్కువ థియేటర్లు దొరికాయి. దీంతో రామ్ సినిమా చాలా తక్కువ ప్రాంతాల్లోనే విడుదల అవుతోంది. అయినప్పటికీ.. ఇప్పటికే షోలు పడిన చోట్ల ‘రెడ్' మూవీకి అద్భుతమైన స్పందన వస్తోంది.

రామ్ కెరీర్‌లోనే తొలిసారి.. అంతా అతడే

ఎంతో ప్రతిష్టాత్మకంగా రూపొందిన ఈ సినిమాలో రామ్ ద్విపాత్రాభినయం చేశాడు. కెరీర్‌లో మొదటిసారి అతడు రెండు విభిన్నమైన పాత్రల్లో నటించాడు. ‘రెడ్' మూవీ చూసిన వారంతా హీరో యాక్టింగ్ గురించే మాట్లాడుతున్నారు. వన్ మ్యాన్ షోలా మార్చేశాడని అంటున్నారు. మరీ ముఖ్యంగా రెండు పాత్రలకు రామ్ చూపిన వేరియేషన్ హైలైట్‌గా ఉంటుందని చెబుతున్నారు.

క్లాస్ డైరెక్టర్ మాస్‌గా.. అతడు దంచేశాడు

గతంలో క్లాస్ సినిమాలనే చేశాడు దర్శకుడు కిశోర్ తిరుమల. అలాంటి డైరెక్టర్‌ ‘రెడ్'తో తొలిసారి క్రైమ్ థ్రిల్లర్ మూవీ చేశాడు. అయినప్పటికీ అతడు బాగా ఆకట్టుకున్నాడని అంటున్నారు. అయితే, స్క్రీన్‌ప్లే విషయంలో కొన్ని జాగ్రత్తలు తీసుకుని ఉంటే బాగుండేదని చెబుతున్నారు. ఇక, మణిశర్మ సంగీతం ఈ సినిమాకు ప్లస్ అయింది. బ్యాగ్రౌండ్ స్కోర్ మాత్రం దంచేశాడని తెలుస్తోంది.

ఫస్టాఫ్ అలా.. సెంకండాఫ్ ఇలా.. మొత్తంగా

ఓవర్సీస్‌లో గత రాత్రే ‘రెడ్' మూవీ ప్రీమియర్ షోలు పడ్డాడు. అలాగే, తెలుగు రాష్ట్రాల్లోని కొన్ని ప్రాంతాల్లో బెన్‌ఫిట్ షోలు వేశారు. ఇప్పటి వరకు ఈ సినిమాను చూసిన వారి అభిప్రాయం ప్రకారం.. ఫస్టాఫ్ సోసోగా రొటీన్ సీన్లతో బోరింగ్‌గా అనిపించిందట. సెకెండాఫ్ మాత్రం ఆకట్టుకుందని అంటున్నారు. మొత్తంగా ఈ సినిమా మాత్రం రామ్ ఫ్యాన్స్‌కు నచ్చుతుందని చెబుతున్నారు.

Red Movie ప్రీ రిలీజ్ ఈవెంట్ లో Trivikram స్పీచ్ హైలెట్ | Red కి Krack ప్రమోషన్

సినిమాకు మైనస్ అయిన అంశాలు ఇవే

‘రెడ్'లో కామెడీ అస్సలు వర్కౌట్ కాలేదని సినిమాను చూసిన ప్రేక్షకులు చెబుతున్నారు. అలాగే, కొన్ని ముఖ్యమైన ట్విస్టులు ముందే ఊహించగలిగేలా ఉన్నాయని అంటున్నారు. ఇక, ఈ సినిమాలో లవ్ ట్రాక్ కూడా రొటీన్‌గా సాగుతుందని తెలిసింది. దర్శకుడు స్క్రీన్‌ప్లే విషయంలో జాగ్రత్తలు తీసుకుని ఉంటే బాగుండేదన్న అభిప్రాయాలు వ్యక్తం అవుతున్నాయి.