17 ఏళ్ల వయసులోనే ఆ పనులు.. దాని కోసం చాలా కోల్పోయా.. రానా

17 ఏళ్ల వయసులోనే

నేను 17 ఏళ్ల వయసులోనే పని చేయడం ప్రారంభించాను. చాలా ఫిలిం స్టూడియోలలో రకరకాల పనులు చేశాను. సినీ నిర్మాణంలో అనేక మెలుకువలు నేర్చుకొన్నాను. రానా ఓ యాక్టర్, నిర్మాత అనుకుంటే పొరపాటే. నాలో మంచి టెక్నిషియన్ ఉన్నాడు అని రానా తెలిపాడు.

అలాంటి కల కనేవాడిని

చిన్నతనంలోనే స్టార్ వార్స్ లాంటి సినిమాలు చూశాను. హలీవుడ్ దిగ్గజం జార్జ్ లుకాస్ మాదిరిగా ఓ భారీ సినీ సామ్రాజ్యాన్ని నిర్మించాలనే కలలు కన్నాను. ఆ కలను సాకారం చేసుకొనే ప్రయత్నంలో చాలా నేర్చుకొన్నాను అని రానా వెల్లడించాడు.

ఎన్టీఆర్ బయోపిక్‌లో

ఎన్టీఆర్ బయోపిక్‌లో నటించే అవకాశం రావడం గొప్ప అదృష్టం. నారా చంద్రబాబు నాయుడి పాత్రలో నటిస్తున్నాను. ఆ పాత్ర కోసం చాలా బరువు తగ్గాను. చంద్రబాబు ఎలా ఉంటాడు. ఆయన రూపం ఎలా ఉంటుంది. ఆ రూపానికి తగినట్టు ఎలా మలుచుకోవాలనే అంశాలపై భారీ కసరత్తు చేశాను అని రానా పేర్కొన్నాడు.

కలలో కూడా ఊహించలేదని

నారా చంద్రబాబు నాయుడిగా గానీ, ఓ రాజకీయ వేత్త పాత్రలో నటిస్తానని కలలో కూడా ఊహించలేదు. ఏ నటుడైనా అలాంటి పాత్రలో నటిస్తానని కలలో కూడా ఊహించడు. ఎన్టీఆర్ బయోపిక్ లాంటి ప్రతిష్ఠాత్మకమైన ప్రాజెక్ట్‌లో భాగం కావడం చాలా సంతోషంగా ఉంది అని రానా అన్నాడు.