రాశీఖన్నా విలన్ పాత్ర చేస్తోంది..! పిచ్చిగానీ పట్టలేదు కదా

మలయాళంలో అరంగేట్రం

ఆ పాత్రతోనే మలయాళంలో అరంగేట్రం చేసేస్తోందట.ద కంప్లీట్ యాక్టర్ మోహన్ లాల్ మలయాళంలో పలు ప్రాజెక్టులతో బిజీగా ఉన్న సంగతి తెలిసిందే. ఉన్ని కృష్ణన్ దర్శకత్వంలో మోహన్ లాల్ ఓ సినిమా చేస్తుండగా ఈ సినిమాకు భారీ ఆదరణ దక్కేలా కొత్త ప్లాన్ వేసాడు ఈ సూపర్ స్టార్.

మూడు ఇండస్ట్రీల నుండి

తెలుగు, తమిళం, మలయాళంలో ఈ చిత్రానికి భారీ ఆదరణ లభించాలని మూడు ఇండస్ట్రీల నుండి పలువురు స్టార్స్ ని తన సినిమాకు ఎంపిక చేసుకున్నాడు. ఈ యాక్షన్ థ్రిల్లర్ లో తెలుగు నటుడు శ్రీకాంత్, తమిళ నటుడు విశాల్, హీరోయిన్ హన్సికలకు మంచి రోల్స్ ఇవ్వగా మరొక తెలుగు స్టార్ హీరోయిన్ రాశి ఖన్నా ఈ ప్రాజెక్టు లో కీలక పాత్ర పోషిస్తుంది.

ఉన్నికృష్ణన్ దర్శకత్వంలో

మోహన్‌లాల్ హీరోగా బి.ఉన్నికృష్ణన్ దర్శకత్వంలో తెరకెక్కుతున్న సినిమాలో రాశీ ఖన్నాను తీసుకున్నారు. కొన్ని వారాల క్రితమే ఆమెకు సంబంధించిన షూటింగ్ పార్ట్ పూర్తైపోయింది. ఇప్పుడీ సినిమాలో రాశీ ఖన్నా పోషిస్తున్న పాత్ర గురించి సరికొత్త విషయం వెలుగులోకి వచ్చింది.

నెగెటివ్‌ క్యారెక్టర్‌

స్వభావరీత్యా ఇది నెగెటివ్‌ క్యారెక్టర్‌ అని, చాలా ఛాలెంజింగ్‌గా వుంటుందని తెలిసింది. సుప్రీమ్‌లో పోలీస్‌ గెటప్‌లో రాశిని చూసి ఈ పాత్ర తనకి ఆఫర్‌ చేసారట. అప్పటికంటే ఇప్పుడు బాగా సన్నబడిన రాశి పోలీస్‌ పాత్రకి తగ్గట్టుగా నాజూగ్గా వుంది. ఒక హీరోయిన్‌కి ఇలాంటి పాత్ర రావడం చాలా అరుదు,

ఎన్టీఆర్‌తో చేస్తే

తనకి కెరియర్‌ ఆరంభంలోనే ఇన్ని వైవిధ్యభరిత పాత్రలు చేసే అవకాశం రావడం అదృష్టమని ఆమె అంటోంది. ఇక ఎన్టీఆర్‌తో 'జై లవకుశ' చిత్రంలో మెయిన్‌ హీరోయిన్‌గా నటిస్తోన్న రాశి ఈ చిత్రంతో టాలీవుడ్‌లో టాప్‌ హీరోయిన్ల జాబితాలోకి చేరిపోతాననే నమ్మకంతో వుంది. ఎన్టీఆర్‌తో చేస్తే ఇక స్టార్‌ హీరోలంతా తనని సీరియస్‌గా కన్సిడర్‌ చేస్తారని ఆమె భావిస్తోంది.