నా వద్ద అంత డబ్బు లేదన్న యాంకర్ రష్మి... పెళ్లి విషయమై దాటవేత!

Recommended Video

Anchor Rashmi Gives Strong Counter To Netizen

నిన్ను పెళ్లి చేసుకోను

ఈ ట్విట్టర్ చాట్లో ఓ అభిమాని సరదాగా వేసిన ఓ ప్రశ్న అందరినీ ఆకట్టుకుంది. ‘మీరు నన్ను పెళ్లి చేసుకుంటారా? నాకు ఐదు ఎకరాల వ్యవసాయ భూమి ఉంది, ఒక అందమైన ఇల్లు, స్కూటర్‌ ఉన్నాయి. అంతకు మించి మీపై చాలా ప్రేమ ఉంది?... అని అడగటంతో దానికి రష్మి ‘చేసుకోను' అని సమాధానం ఇచ్చారు.

సుధీర్ ఇష్యూపై...

సుధీర్‌ మీకు ప్రపోజ్‌ చేశారు కదా? ఎందుకు అప్పుడు సమాధానం చెప్పలేదు? అని ఓ అభిమాని అడగటంతో ‘అది నా ఇష్టం' అంటూ తేల్చి చెప్పింది రష్మి. సుధీర్‌ను తాను ప్రేమించడం లేదని తెలిపింది. సుధీర్ మిమ్మల్ని నిజంగా ఇష్టపడుతున్నారని ఓ అభిమాని చెప్పడంతో.... ‘అతడు మీకు చెప్పారా?' అంటూ తెలివిగా ఎదురు ప్రశ్నవేసింది.

సినిమా అవకాశాలపై

ఎందుకు సినిమాల్లో కనిపించడం లేదు? అవకాశాలు రావడం లేదా? మీరే దూరంగా ఉంటున్నారా? అనే ప్రశ్నకు రష్మి స్పందిస్తూ.... తాను అనుకున్న విధంగా సినిమా అవకాశాలు రావడం లేదని, ఒక వేళ వచ్చినా కొన్ని కథలు నచ్చడం లేదని రష్మి తెలిపారు. ప్రస్తుతం తన చేతిలో ఏ సినిమాలు లేవని తెలిపారు.

ఎన్టీఆర్ గురించి తెలియదు

ఎన్టీఆర్‌ గురించి చెప్పండి? అని ఓ అభిమాని ప్రశ్నిచండంతో ఆయన తనకు వ్యక్తిగతంగా తెలియదు. కాబట్టి చెప్పడానికి ఏమీ లేదని రష్మి స్పష్టం చేసింది.

నా పెళ్లి ఖర్చు మీరు పెడతారా?

మీ పెళ్లి ఎప్పుడు? అని ఓ అభిమాని అడగటంతో..... ‘నా పెళ్లి ఖర్చు మీరు పెడతారా? ' అంటూ దిమ్మదిరిగే సమాధానం ఇచ్చింది. మీ పెళ్లి కోసం చాలా ఆసక్తిగా ఎదురుచూస్తున్నాం, మీకు ఎలాంటి వరుడు కావాలి అనే ప్రశ్నకు సమాధానం చెప్పడానికి రష్మి ఇష్టపడలేదు. అది తన వ్యక్తిగత విషయం అని తెలిపింది.

లవ్ విషయాల గురించి...

మీ జీవితంలో ఎవరూ లేరా? ఎవరినీ ప్రేమించలేదా? అనే ప్రశ్నకు రష్మి రియాక్ట్ అవుతూ.... అది నా వ్యక్తిగత విషయం అని తెలిపారు.

నా వద్ద అంత డబ్బు లేదు

ఒక ఇంటెన్షన్ ఉన్న యాక్షన్ థ్రిల్లర్ వెబ్‌ సిరీస్‌ మీరు సొంతగా ఎందుకు ప్రారంభించకూడదు. ఇలాంటివి మీకు బాగా సూటవుతుంది, మీ స్టార్ డమ్ పెరుగుతుంది అని ఓ అభిమాని ప్రశ్నించగా.... సొంతగా నిర్మించుకునేంత డబ్బున్న వ్యక్తిని తాను కాదని రష్మి తెలిపారు.