ఒకరితో ఎంగేజ్‌మెంట్.. మరొకరితో రొమాన్సా? రష్మికను బూతులు తిట్టిన నెటిజన్లు

విజయ్‌ వీపుపై రష్మిక

కన్నడలో అందాల తారగా రాణిస్తున్న రష్మిక మందన్నకు హీరో రక్షిత్ షెట్టితో నిశ్చితార్థం జరిగింది. త్వరలోనే వీరి వివాహం జరుగనున్నది. పెళ్లికి ముందు ఆఫర్లు తెగ రావడంతో తెలుగులోకి అడుగుపెట్టి గీతా గోవిందంలో నటించింది. ఇటీవల తాను విజయ దేవరకొండ వీపుపై ఎక్కిన ఫోటోను రష్మిక షేర్ చేసింది.

మరో హీరోతో రొమాన్సా?

రష్మిక ఇటీవల షేర్ చేసిన పోస్టర్‌పై నెటిజన్లు కామెంట్ చేస్తూ ఒకరితో నిశ్చితార్థం చేసి మరో హీరోతో రొమాంటిక్ సన్నివేశాల్లో నటిస్తారా?, ఇంకా కొన్ని అభ్యంతరకరమైన కామెంట్లతో నెటిజన్లు దాడి చేశారు. మహిళల గౌరవాన్ని కించపరిచావనే విధంగా ట్రోల్ చేశారు.

గట్టిగా బుద్ది చెప్పాను

నెటిజన్ల కామెంట్‌పై రష్మిక స్పందిస్తూ.. కొందరు ఫేక్ అకౌంట్లను సృష్టించి నాపై దారుణమైన కామెంట్లు చేస్తున్నారు. కొందరికి గట్టిగా సమాధానం చెబితే క్షమాపణ చెప్పారు. మనుషులమని కొందరు తెలుసుకోవాల్సిన అవసరం ఉంది అని అన్నారు.

పెళ్లైన హీరోలు రొమాన్స్ చేస్తే

మగవాళ్ల ద్వంద ప్రమాణాలపై రష్మిక మందన్న ఫైర్ అయ్యారు. పెళ్లైనా హీరోయిన్ తెర మీద హీరోతో రొమాన్స్ చేస్తే తప్పు. వారికి గౌరవం ఇవ్వరు. అదే పెళ్లైన హీరో మరో హీరోయిన్‌తో స్క్రీన్‌పై రొమాన్స్ చేస్తే అది వారి దృష్టిలో తప్పుగా కనిపించదు అని రష్మిక అన్నారు.

గీతా గోవిందం ఆగస్టు 15న

దర్శకుడు పరుశురాం దర్శకత్వంలో రూపొందిన గీతా గోవిందం చిత్రం ఆగస్టు 15న రిలీజ్‌కు సిద్ధమవుతున్నది. విజయ్ దేవరకొండ, రష్మిక మధ్య కనిపించిన కెమిస్ట్రీ కేకపుట్టిస్తున్నది.