ఎన్టీఆర్, రానా.... నెక్ట్స్ పవన్ మాజీ భార్య రేణు దేశాయ్ టీవీ షో!

తెలుగులో టీవీ షో

రేణు దేశాయ్ తెలుగులో ఓ టీవీ షో ప్లాన్ చేస్తున్నట్లు సమాచారం. తెలుగులో ‘బిగ్ బాస్', ‘మీలో ఎవరు కోటీశ్వరుడు' లాంటి రియాల్టీ షోలను టెలికాస్ట్ చేస్తున్న స్టార్ మాటీవీ వారే.... రేణు దేశాయ్ షోను ప్రసారం చేయబోతున్నారట.

షో కాన్సెప్టు ఏమిటి?

రేణు దేశాయ్ హోస్ట్ చేయబోతున్న ఈ టీవీ షో ఓ డాన్స్ రియాల్టీ షో అని తెలుస్తోంది. హిందీ డాన్స్ రియాల్టీ షో ‘నచ్ బలియే' మాదిరిగా ఈ షో ఉంటుందని సమాచారం. తెలుగులో ప్రారంభం అయ్యే ఈ డాన్స్ రియాల్టీ షోకు రేణు దేశాయ్ జడ్జిగా వ్యవహరిస్తుందని టాక్.

రేణు దేశాయ్‌

రేణు దేశాయ్‌కి తెలుగులో మంచి ఫాలోయింగ్ ఉంది. ట్విట్టర్లో ఎప్పుడూ యాక్టివ్ గా ఉండే ఆమెకు ఫాలోవర్స్ కూడా ఎక్కువే. మెగా అభిమానులు, పవర్ స్టార్ అభిమానుల నుండి ఆమెకు మంచి సపోర్ట్ ఉంది.

స్టార్ మాటీవీ

తెలుగు ఎంటర్టెన్మెంట్ రంగంలో స్టార్ మాటీవీ ఇప్పటికే వైవిధ్యమైన టీవీ షోలతో అగ్రస్థానంలో కొనసాగుతోంది. ఈ షోలకు రేణు దేశాయ్ షో కూడా తోడయితే ఇక మాటీవీకి తెలుగు ఎంటర్టెన్మెంట్ రంగంలో తిరుగు ఉండదు అనే అభిప్రాయాలు వ్యక్తం అవుతున్నాయి.