For Quick Alerts
    ALLOW NOTIFICATIONS  
    For Daily Alerts

    రితుపర్ణొ మరణాన్ని ముందే ఊహించారా...ట్వీట్ లో..

    By Srikanya
    |
    Rituparno Ghosh
    హైదరాబాద్‌: ఈరోజు ఉదయం ఆకస్మికంగా కన్నుమూసిన ప్రముఖ బెంగాలీ దర్శకుడు రితుపర్ణొ ఘోష్‌ దర్శకత్వం వహించిన చివరి చిత్రం 'సత్యాన్వేషి'. సుజయ్‌ ఘోష్‌ ఇందులో ప్రధాన పాత్ర పోషించారు. క్రైమ్‌ థ్రిల్లర్‌గా రూపొందిన ఈ చిత్రం చిత్రీకరణ పూర్తయిందని రితుపర్ణొ చివరి ట్వీట్స్‌లో పేర్కొన్నారు.

    ఆ సందర్భంగానే ఆయన చిన్న వయసులోనే కన్నుమూసిన మరో ప్రముఖ దర్శకుడు గురుదత్‌ ప్రస్తావన తేవడం విశేషం. సాహెబ్‌ బీవీ ఔర్‌ గులామ్‌ చిత్రం తీసేటపుడు గురుదత్‌ కూడా ఇదే భవనంలో ఉన్నారని తెలిసింది... అని ఘోష్‌ తన ట్వీట్స్‌లో పేర్కొన్నారు. దాంతో ఆయన అభిమానులు ...రితుపర్ణో ముందే మరణాన్ని ఊహించారా అని బాధతో అంటున్నారు.

    రితుపర్ణో ఘోష్‌ గురువారం తెల్లవారుజామున గుండెపోటుతో కన్నుమూశారు. ఆయన వయస్సు 49 సంవత్సరాలు. 'అబొమోన్‌' బెంగాలీ చిత్రానికి గాను 2012లో ఆయన స్పెషల్‌ జ్యూరీ జాతీయ పురస్కారాన్ని అందుకున్నారు. 19 ఏళ్ల సినీ జీవితంలో ఆయన తీసిన బెంగాలీ, హిందీ చిత్రాలకు గాను 12 జాతీయ పురస్కారాలు సాధించారు.

    పలు అంతర్జాతీయ అవార్డులు గెలుచుకున్నారు. రితుపర్ణొఘోష్‌ దర్శకత్వం వహించిన చోఖేర్‌బాలి, రెయిన్‌కోట్‌, దహన్‌, ఉత్సవ్‌, దొసొర్‌, ద లాస్ట్‌ లియర్‌, శోబ్‌ చరిత్రో, కాల్పొనిక్‌ తదితర చిత్రాలు విమర్శకుల ప్రశంసలందుకున్నాయి. ఘోష్‌ తండ్రి కూడా డాక్యుమెంటరీ చిత్రనిర్మాతగా ప్రముఖ స్థానం సంపాదించుకున్నారు.

    English summary
    Renowned film director Rituparno Ghosh, who made films like 'Chokher Bali', 'Unishe April' and 'Raincoat', died here Thursday. He was 49. Ghosh, who was suffering from pancreatitis, passed away at his residence around 7.30 a.m., his colleague Gautam Ghosh told reporters. Shocked colleagues and friends gathered at the home of the much awarded filmmaker as news of the death spread.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X