సదా 'కథా' స్మరామి

By Staff

Published: Monday, March 9, 2026, 21:57 [IST]

'టక్కరి' మిజర్ బుల్ ఫ్లాప్ సదా కెరీర్ కి చెక్ చెప్పినట్లయింది. దాంతో తెలుగు,తమిళ,కన్నడ భాషల్లో క్రేజీగా ఉన్నామె ఒక్కసారిగా కుదేలయిపోయింది. రెమ్యునేషన్ ఇంతుండాలి..కొత్త దర్శకులైతే కష్టమే ..ఫలానా చోట ఫుడ్ అయితేనే వర్కవుట్ అవుతుంది అని కోర్కెల లిస్టు చదివే ఈ భామ ప్లేటు మార్చింది. కథ నచ్చితే చాలు... కొత్త దర్శకుడైనా ఫర్వాలేదు...రెమ్యునేషన్ దేముంది మంచి క్యారెక్టర్ పడాలంటూ కబుర్లు చెపుతోంది. తాజాగా ఆమె బృందావనం అనే సినిమాకి కమిటయ్యింది. అందులో 'ఒకరికి ఒకరు' ఫేమ్ శ్రీరామ్ హీరో. సి.యస్.ఆర్ కృష్ణ అనే నూతన దర్శకుడు ఈ చిత్రం ద్వారా పరిచయమవుతున్నాడు.

'అపరిచితుడు' తరువాత చెప్పుకోతగ్గ హిట్టనేది లేక పోవటంమే కాక ఆఫర్ల జోరు కూడా తగ్గటంతో చేసేదేం లేక సదా ఈ నిర్ణయానికి వచ్చింది. నితిన్ సరసన రెచ్చిపోయి సోయిగాలు ఒలకపోస్తూ ఆమె చేసిన 'టక్కరి' లైఫిస్తుందని భావించింది. కాని ఈ 'జయం' అమ్మాయికి అపజయం ఎదురైంది. కథా లోపం తన నటనని డామినేట్ చేసి డామేజ్ చేసిందని అర్ధం చేసుకుందిట. దాంతో ఈ సారి సరైన కథ ఉన్న సినిమా ఒప్పుకోవాలని డిసైడ్ అయ్యిందిట. ఈ ప్రాసెస్ లో కొన్ని తిప్పికొట్టానంటోది. అప్పుడు వచ్చిందిట ఈ అవకాశం. బృందావనం కథ ఫ్యామిలీలకు పట్టేలా రొమాంటిక్ ఎంటర్ టైనర్ గా ఉండటంతో వెంటనే మరో ఆలోచన లేకుడా ఒప్పుకుందిట. ఈ సినిమా నిలబడితే లైమ్ లైట్ లోకి మళ్ళీ వచ్చి అదరకొడదామనే ఆశతో ఉందిట. బెస్టాఫ్ లక్ సదా!

More from Filmibeat