శ్రీదేవి కూతురుతో చెట్టాపట్టాల్, కొడుక్కు సైఫ్ అలీఖాన్ మందలింపు?

By Bojja Kumar

Updated: Friday, August 14, 2015, 12:47 [IST]

హైదరాబాద్: సైఫ్ అలీ ఖాన్ కుమారుడు ఇబ్రహీం అలీ ఖాన్ ఈ మధ్య సోషల్ మీడియాలో చాలా యాక్టివ్ గా ఉంటున్నాడు. తనకు సంబంధించిన ఫోటోలు సోషల్ మీడియాలో పోస్ట్ చేస్తూ హాట్ టాపిక్ అవుతున్నాడు. ఇటీవల శ్రీదేవి కూతురు ఖుషీ కపూర్ తో క్లోజ్ గా గడిపిన ఫోటోలు కూడా తన సోషల్ మీడియా ద్వారా బయట పెట్టాడు ఇబ్రహీం. అయితే ఇతర చర్యలు తండ్రి సైఫ్ అలీ ఖాన్ కు కోపం తెప్పించినట్లున్నాయి.

తన కొడుకు గురించి సైఫ్ అలీ ఖాన్ ఇటీవల మాట్లాడుతూ.. ‘సోషల్ మీడియా, ప్రెస్ రెండు వైపులా పదునున్న కత్తుల్లాంటివి. అవి నిన్ను పొగుడుతున్నాయంటే ఏదో ఒక రోజు నిన్ను విమర్శిస్తాయి కూడా అని నా కొడుక్కి చెప్పాను' అని తెలిపారు.

ఏదైనా పని చేస్తున్నామంటే దానికి కారణం ఉండాలి. కారణం లేకుండా ఏ పనీ చేయకూడదు. నేను చెప్పిన విషయాలను నా కొడుకు అర్థం చేసుకున్నాడని భావిస్తున్నాను. నీకు ఏదైనా ఆఫర్ వచ్చే వరకు లో ప్రొఫైల్ మెయింటేన్ చేయాలని చెప్పాను. నువ్వు సినిమాల్లోకి రావాలనుకుంటే ఇలాంటి వాటికి దూరంగా ఉండమని చెప్పాను. నువ్వు ఎవరో ఒకరి కొడుకుగా ఫేమస్ కావాలని చూడొద్దు, నీకు నీవుగా గుర్తింపు తెచ్చుకునేందుకు ప్రయత్నించు అని చెప్పాను అని సైఫ్ తెలిపారు.