Don't Miss!
- News అభ్యర్దుల మార్పు పై చంద్రబాబు కీలక నిర్ణయం - ఆ నేతలకు పిలుపు..!!
- Sports అందుకే ధోనీ ముందుగా బ్యాటింగ్కు రావట్లేదు- CSK కోచ్
- Finance IREDA: భారీగా లాభాలను ప్రకటించిన ఐఆర్ఈడీఏ..
- Automobiles మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- Technology Dell నుంచి నాలుగు కొత్త Ai ల్యాప్టాప్లు! ధర,స్పెసిఫికేషన్లు
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
సల్మాన్ కేసు: ఇలా శిక్ష...అలా బెయిల్, సాయంత్రమే బయటకి?
ముంబై: బాలీవుడ్ స్టార్ సల్మాన్ ఖాన్ ఒకరి మరణానికి, నలుగురు గాయ పడటానికి కారణమై హిట్ అండ్ కేసులో ఐదేళ్ల జైలు శిక్షకు గురైన సంగతి తెలిసిందే. బుధవారం మధ్నాహ్నం ఒంటిగంట తర్వాత సల్మాన్ ఖాన్ కు శిక్ష ఖరారు చేస్తూ సెన్స్ కోర్టు జడ్జి తీర్పు వెలువరించారు. పోలీసులు అతన్ని కస్టడీలోకి తీసుకుని ఆర్థర్ రోడ్ జైలుకు తరలించారు.
సల్మాన్ ఖాన్కు అలా శిక్ష ఖరారైందో లేదో.... ఆయన తరుపు లాయర్లు అంతకంటే స్పీడుగా మధ్యాహ్నం 3 గంటలకు ముంబై హైకోర్టులో బెయిల్ పిటీషన్ దాఖలు చేసారు. సెసన్స్ కోర్టు తీర్పును నిలిపివేయాలని, బెయిల్ ఇవ్వాలని పిటీషన్లో పేర్కొన్నారు. వెంటనే ఇదేరోజు సాయంత్ర 4 గంటలకు కోర్టు విచారణ కూడా ప్రారంభం కాబోతోంది. ఒక వేళ ముంబై హైకోర్టు బెయిల్ మంజూరు చేస్తే.....సాయంత్రం 5 గంటల లోపు కోర్టు ఉత్తర్వులు జైలు అధికారులకు అందితే సల్మాన్ ఈరోజు సాయంత్రమే బయటకు రాబోతున్నాడు. లేటయితే మాత్రం ఈ రోజు రాత్రి సల్మాన్ జైలులోనే గడపబోతున్నాడు.
ఈ పరిణామాలు పరిశీలిస్తే....సల్మాన్ ఖాన్ కు శిక్ష పడుతుందని ఆయన తరుపు న్యాయవాదులు, కుటుంబ సభ్యులు ముందే ఊహించినట్లు స్పష్టమవుతోంది. అందుకే ముందస్తుగా బెయిల్ పిటీషన్కు సంబంధించిన ఏర్పాట్లు కూడా పూర్తి చేసారు. అన్నీ అనుకున్నట్లు జరిగితే ఈ రోజు సాయంత్రం సల్మాన్ ఖాన్ బెయిల్ తీసుకుని బయటకు రాబోతున్నాడు.