Don't Miss!
- News ఈ ఒక్కటి ఇంట్లో ఉంటే డబ్బు ఆటోమేటిక్ గా వస్తుంది
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
బాహుబలి రికార్డును బ్రేక్ చేయనున్న ట్యూబ్లైట్.. సల్మాన్ హవా..
బాలీవుడ్ సూపర్ స్టార్ సల్మాన్ ఖాన్ నటించిన ట్యూబ్లైట్ చిత్రం రిలీజ్కు ముందే సంచలనాలు సృష్టిస్తున్నది. రంజాన్ పండుగను పురస్కరించుకొని జూన్ 23న విడుదలకు సిద్ధమవుతున్నది.
బాలీవుడ్ సూపర్ స్టార్ సల్మాన్ ఖాన్ నటించిన ట్యూబ్లైట్ చిత్రం రిలీజ్కు ముందే సంచలనాలు సృష్టిస్తున్నది. రంజాన్ పండుగను పురస్కరించుకొని జూన్ 23న విడుదలకు సిద్ధమవుతున్నది. ఈ చిత్రంలోని పాటలు ఇప్పటికే సినీ ప్రేక్షకులను ఉర్రూతలూగిస్తున్నది. భజ్రంగీ భాయ్జాన్ చిత్రానికి దర్శకత్వం వహిస్తున్న కబీర్ ఖాన్ ఈ చిత్రాన్ని రూపొందించారు. ఈ చిత్రం విడుదలకు ముందే బాహుబలి రికార్డును అధిగమించనున్నది.
9 వేల థియేటర్లలో బాహుబలి
సంచలన విజయం సాధించిన బాహుబలి2 చిత్రం ప్రపంచవ్యాప్తంగా 9 వేల థియేటర్లలో విడుదలైంది. యంగ్ రెబల్ స్టార్ ప్రభాస్ నటంచిన ఈ చిత్రం దేశంలో దాదాపు 6500 స్క్రీన్లలో రిలీజ్ అయింది. అమెరికాలో 1100 స్క్రీన్లు, కెనడాలో 180 స్క్రీన్లలో విడుదలైన సంగతి తెలిసిందే.
10 వేల థియేటర్లలో ట్యూబ్లైట్
అయితే తాజాగా సల్మాన్ ఖాన్ చిత్రం ట్యూబ్లైట్ను దాదాపు 10 వేల థియేటర్లలో విడుదల చేసేందుకు ప్లాన్ చేస్తున్నారు. అమెరికాలో 330 స్క్రీన్లలో, బ్రిటన్లో 215 స్క్రీన్లలో రిలీజ్కు ఏర్పాట్లు చేస్తున్నారు. భారీ స్క్రీన్లలో రిలీజ్ చేసే అంశం బాలీవుడ్లో చర్చనీయాంశమైంది.
50 దేశాల్లో సల్మాన్ సినిమా..
ఇదిలా ఉండగా తొలివారమే భారీ కలెక్షన్లను కొల్లగొట్టేందుకు ట్యూబ్లైట్ చిత్రాన్ని దాదాపు 50 దేశాల్లో రిలీజ్కు చేయనున్నారు. భజ్రంగీ భాయ్జాన్ చిత్రం తర్వాత వస్తున్న ఈ చిత్రంపై భారీ అంచనాలు నెలకొన్నాయి. ఈ చిత్రంలో అద్భుతమైన నటనను సల్మాన్ ఖాన్ ప్రదర్శించాడని, ఈ ఏడాది జాతీయ ఉత్తమ నటుడి అవార్డును సొంతం చేసుకోవడం ఖాయమనే వాదన వినిపిస్తున్నది.
సల్మాన్ సరసన చైనా నటి
దర్శకుడు కబీర్ ఖాన్తో సల్మాన్ ఖాన్కు ఇది మూడో సినిమా. గతంలో ఏక్ థా టైగర్, భజ్ రంగీ భాయ్జాన్ చిత్రానికి కలిసి పనిచేశారు. మూడో ప్రయత్నంగా ట్యూబ్లైట్ చిత్రానికి పనిచేశారు. భారత్, చైనాల మధ్య జరిగి యుద్ధం నేపథ్యంగా ఈ చిత్రం రూపుదిద్దుకొన్నది. ఈ చిత్రంలో సల్మాన్ సరసన చైనా నటి జూ జూ నటించింది.