సినిమా చూస్తూ ఏడ్చేసిన సమంత, స్నేహితుడిపై ప్రశంసలు!

ఏం చెప్పాల్సి వస్తుందో అని భయపడ్డాను

రాహుల్ గురించి సమంత మాట్లాడుతూ... రాహుల్ మంచి హార్డ్‌వర్కర్. నటుడిగా చాలా ప్రయత్నాలు చేశాడు. కానీ దర్శకత్వం మీద అతడికి ముందు నుండి ఆసక్తి ఎక్కువ. మంచి సినిమా చేస్తాడనే నమ్మకం ఉంది కానీ... సినిమా చూసిన తర్వాత ఏం చెప్పాల్సి వస్తుందోనని కాస్త భయపడుతూనే చూశాను.... అని సమంత తెలిపింది.

ఏడుపొచ్చింది

సినిమా మొదలైన తర్వాత కథలో లీనమైపోయాను. ఫస్టాఫ్ చూస్తుండగానే నా కళ్ల వెంట నీళ్లొచ్చేశాయి. సినిమా అంత బాగా తీశాడు. రాహుల్ ఒక మంచి దర్వకుడు ఉన్నాడని చెప్పడానికి గర్వపడుతున్నాను అని సమంత చెప్పుకొచ్చారు.

చిలసౌ

సినిమా కథ విషయానికొస్తే.... పెళ్లి చూపుల్లో కలుసుకున్న ఒక అమ్మాయి .. అబ్బాయి ఓ మర్డర్ కారణంగా ఒక రాత్రంతా ఒకచోట ఉండి పోవాల్సి వస్తే ఆ పరిస్థితి ఎలా ఉంటుందనేదే లైన్ చుట్టూ ఈ సినిమా సాగుతుంది.

నాగార్జున ఎంట్రీతో మరింత హైప్

చిలసౌ చిత్రాన్ని అన్నపూర్ణ స్టూడియోస్ బేనర్లో విడుదల చేస్తుండటంతో చిత్రంపై అంచనాలు మరింత పెరిగాయి. ఈ సినిమా ప్రేక్షకులను మెప్పిస్తే అటు సుశాంత్‌తో ఇటు రాహుల్ రవీంద్రన్ కెరీర్ కూడా టర్న్ అవ్వడం ఖాయం.