సరిలేరు నీకెవ్వరు: రాములమ్మ పవర్‌ఫుల్ రీ ఎంట్రీ.. చెంప చెల్లుమంది

విజయశాంతి రీ ఎంట్రీ.. గొప్ప ప్రాధాన్యం

ఒకప్పుడు తెలుగు సినీ తెరపై లేడీ అమితాబ్‌గా కీర్తించబడిన విజయశాంతి.. దాదాపు 13 ఏళ్ల సినీ విరామం తీసుకుంది. మళ్ళీ ఇప్పుడు డైరెక్టర్ అనిల్ రావిపూడి కోరిక మేరకు మహేష్ బాబు 'సరిలేరు నీకెవ్వరు' సినిమాతో రీ రెంటరీ ఇచ్చింది. ఈ నేపథ్యంలో ఆమె పాత్రకు ప్రత్యేక ప్రాధాన్యత ఇస్తూ ఎంతో పవర్‌ఫుల్‌గా డిజైన్ చేశారు అనిల్.

ఆడియన్స్ టాక్.. విజయశాంతి రోల్

టీజర్, ట్రైలర్స్ లో చూపించిన విధంగానే విజయశాంతి రోల్ కీలకంగా ఉందని అంటున్నారు. దర్శకుడు అనిల్‌రావిపూడి సినిమా మొదటి సన్నివేశమే విజయశాంతితో స్టార్ట్ చేశాడు. విలన్ కొడుకు తాగి కాలేజ్‌కు వస్తాడు, బాగుంది కదా అని అమ్మాయిని ఏడిపిస్తాడు.. ఆమె చెంపమీద కొడుతుంది. ప్రిన్సిపల్ దగ్గరకు వెళుతుంది.

రాములమ్మ పవర్‌ఫుల్ ఎంట్రీ.. రీ ఎంట్రీ

ఈ సీన్ తో రాములమ్మ పవర్‌ఫుల్ ఎంట్రీతో రీ ఎంట్రీ ఇచ్చిందని అంటున్నారు ప్రేక్షకులు. ప్రొఫెసర్ భారతిగా విజయశాంతి రోల్ ఆకట్టుకుందని టాక్ నడుస్తోంది. విజయశాంతి రీ ఎంట్రీ ఈ సినిమాకు బాగానే కలిసొచ్చే అంశమని చెప్పుకుంటున్నారు జనం.

ఆర్మీ మేజర్ పాత్రలో మహేష్ బాబు

మరోవైపు ఆర్మీ మేజర్ పాత్రలో మహేష్ బాబు అదిరిపోయే ఎంట్రీ ఇచ్చాడని అంటున్నారు. ఆయన యాక్షన్ సీన్స్ సూపర్ అంటున్న ప్రేక్షకులు, కామెడీ టైమింగ్ కూడా బాగుందని చెబుతున్నారు. ఈ సంక్రాంతికి సూపర్ కామెడీ ఎంటర్టైనర్ సినిమా ప్రేక్షకుల ముందుకొచ్చిందని అంటున్నారు.

Sarileru Neekevvaru Movie Twitter Review

సరిలేరు నీకెవ్వరు విశేషాలు

దిల్‌ రాజు బ్యానర్ శ్రీవెంకటేశ్వర క్రియేషన్స్‌ సమర్పణలో జి.ఎం.బి. ఎంటర్‌టైన్‌మెంట్‌, ఎ.కె. ఎంటర్‌టైన్‌మెంట్స్‌ పతాకాలపై సుంకర రామబ్రహ్మం నిర్మించిన సరిలేరు నీకెవ్వరు మూవీకి అనిల్ రావిపూడి దర్శకత్వం వహించారు. మహేష్ బాబు సరసన రష్మిక మందన్న హీరోయిన్‌గా నటించింది. విజయశాంతి కీలక పాత్ర పోషించింది. బండ్ల గణేష్, ప్రకాష్ రాజ్ ఇతర పాత్రల్లో నటించారు.