ప్రాజెక్ట్ చైత్ర: చంద్రబాబు హెల్ప్ కోరిన శేఖర్ కమ్ముల

By Bojja Kumar

Published: Saturday, December 28, 2013, 10:28 [IST]

హైదరాబాద్: తెలుగుదేశం పార్టీ అధినేత చంద్రబాబును ప్రముఖ దర్శకుడు శేఖర్ కమ్ముల శుక్రవారం సాయంత్రం ఆయన నివాసంలో కలిశారు. మహిళల రక్షణ కోసం తాను రూపొందించిన ప్రాజెక్టు చైత్ర వివరాలను శేఖర్ కమ్ముల బాబుకు వివరించారు. శేఖర్‌కమ్ములతోపాటు, మధుర శ్రీధర్‌లు ప్రాజెక్టు చైత్రలో భాగంగా, మహిళలకు 24 గంటలపాటు అందుబాటులో ఉండే హెల్ప్‌లైన్‌ను రూపొందించారు.

ఈ హెల్ప్‌లైన్‌కు ఎవరు ఫోన్ చేసి సమాచారమిచ్చినా అది వెంటనే పోలీస్, ఆసుపత్రి తదితర శాఖలకు ఏకకాలంలో చేరిపోతుందని శేఖర్ వివరించారు. వచ్చే ఎన్నికలకు టీడీపీ మేనిఫెస్టోలో ఈ తరహా కార్యక్షికమం ప్రకటించడం ద్వారా మహిళలకు భద్రత పెరిగే అవకాశముందని తాను బాబుకు వివరించినట్లు తెలిపారు.

శేఖర్ కమ్ముల సినిమా విషయానికొస్తే...ప్రస్తుతం శేఖర్ కమ్ముల 'అనామిక' అనే చిత్రాన్ని రూపొందిస్తున్నారు. ఇప్పటికే షూటింగ్ పూర్తి చేసుకున్న ఈచిత్రం ప్రస్తుతం పోస్టు ప్రొడక్షన్ దశలో ఉంది. హిందీలో రీమేక్ అయిన 'కహానీ' చిత్రానికి రీమేక్‌గా ఈ చిత్రం తెరకెక్కుతోంది.

'అనామిక' చిత్రంలో టైటిల్ పాత్రలో నయనతార నటిస్తోంది. వైభవ్, పశుపతి, హర్షవర్ధన్ రాణె తదితరులు ముఖ్య పాత్రల్లో నటిస్తున్నారు. తెలుగు, తమిళ భాషల్లో ఒకేసారి తెరకెక్కిస్తున్నారు. సంగీతం: ఎం.ఎం.కీరవాణి, కూర్పు: మార్తాండ్‌ కె.వెంకటేష్‌, ఛాయాగ్రహణం: విజయ్‌ సి.కుమార్‌. ఫిబ్రవరిలో ఈచిత్రాన్ని విడుదల చేసేందుకు సన్నాహాలు చేస్తున్నారు.

More from Filmibeat