బాగా సంపాదిస్తున్న హీరోల్లో ముగ్గురు మనోళ్లే..... (టాప్ 10 లిస్టు)

ఫోర్బ్స్ మేగజైన్ హయ్యస్ట్ పేయిడ్ యాక్టర్స్ లిస్టు రిలీజ్ చేసింది. ఇండియా నుండి ముగ్గురు స్టార్లకు టాప్ 10లో చోటు దక్కింది.

By Bojja Kumar

Published: Wednesday, August 23, 2017, 10:41 [IST]

ప్రపంచ ప్రఖ్యాత మేగజైన్ ఫోర్బ్స్ ప్రతి ఏడాది వివిధ రంగాల్లో బాగా సంపాదిస్తున్న సెలబ్రిటీల వివరాలు సేకరించి ప్రచురిస్తున్న సంగతి తెలిసిందే. అందులో సినిమా రంగానికి చెందిన వారి వివరాల కోసం ప్రపంచ వ్యాప్తంగా అభిమానులు ఎదురు చూస్తూ ఉంటారు.

ఎప్పటిలాగే ఈ ఏడాది కూడా ప్రపంచ వ్యాప్తంగా బాగా సంపాదిస్తున్న యాక్టర్ల లిస్టును తాజాగా విడుదల చేసింది ఫోర్బ్స్ మేగజైన్. 2016 జూన్ 1 నుండి 2017 జూన్ 1 మధ్య కాలంలో వివరాలను బేస్ చేసుకుని ఈ లిస్టు రిలీజ్ చేశారు.

ఫోర్బ్స్ విడుదల చేసిన లిస్టులో టాప్ 10 లో మన ఇండియన్ స్టార్స్ ముగ్గురు ఉండటం గమనార్హం. మరి ఆ హీరోలు ఎవరు? ఎవరెవరు ఎంత సంపాదించారు? అనే వివరాలపై ఓ లుక్కేద్దాం.

మార్క్ వాబర్గ్

హాలీవుడ్ స్టార్ మార్క్ వాబర్గ్ 68 మిలియన్ డాలర్ల సంపాదనతో ఈ ఏడాది నెం.1 స్థానంలో నిలిచాడు. మన కరెన్సీ ప్రకారం అతడి సంపాదన ఏడాదికి రూ. 435 కోట్లు.

డ్వేన్ జాన్సన్

హలీవుడ్ స్టార్ డ్వేన్ జాన్సన్ 65 మిలియన్ డాలర్ల సంపాదనతో రెండో స్థానంలో ఉన్నాడు. మన కరెన్సీ లెక్కల ప్రకారం అతడి సంపాదన రూ. 416 కోట్లు. ఇతగాడితో కలిసి మన ప్రియాంక చోప్రా బేవాచ్ అనే హాలీవుడ్ సినిమాలో నటించిన సంగతి తెలిసిందే.

విన్ డీసెల్

హాలీవుడ్ స్టార్ విన్ డీసెల్ 54.5 మిలియన్ డాలర్ల సంపాదనతో 3వ స్థానంలో ఉన్నాడు. మన కరెన్సీ ప్రకారం రూ. 349 కోట్లు. ఇతడిగా సినిమా ద్వారానే దీపిక పదుకోన్ హాలీవుడ్ ఎంట్రీ ఇచ్చన సంగతి తెలిసిందే.