ధైర్యం, సాహసం.... బాహుబలి-2 గురించి షారుక్ ఖాన్ కామెంట్

దమ్ము, ధైర్యంతో వరికీ అందనంత ఎత్తులో బాహుబలి నిలబడింది అంటూ వ్యాఖ్యానించారు బాలీవుడ్ బాద్ షా

By Bojja Kumar

Updated: Wednesday, May 17, 2017, 12:15 [IST]

హైదరాబాద్: బాహుబలి రికార్డులను అందుకునే దమ్ము ఇప్పట్లో ఏ హీరోకు లేదు అని అంతా అనుకుంటున్న తరుణంలో షారుక్ ఖాన్ ఆసక్తికర కామెంట్స్ చేసారు. సాహసం, ధైర్యం కలిస్తేనే బాహుబలి లాంటి సినిమాలు వస్తాయి. అందుకే ఆ సినిమా ఎవరికీ అందనంత ఎత్తులో నిలబడింది అంటూ వ్యాఖ్యానించారు బాలీవుడ్ బాద్ షా షారుక్ ఖాన్.

ఇటీవల ఓ మీడియా ఇంటర్వ్యూలో షారుక్ ఖాన్ మాట్లాడుతూ.... బాహుబలి సినిమా వెనక ఉన్న కీలకమైన వ్యక్తి, దర్శకుడు రాజమౌళిపై ప్రశంసల వర్షం కురిపించారు. ఇంత పెద్ద సినిమాను నిర్మించిన రాజమౌళి ఎంతో మందికి ప్రేరణ, ఆయన సినిమాలు నాకు ఆదర్శం అన్నారు.

ఇంకా చూడలేదు

బాహుబలి మొదటి భాగం చూసాను, అయితే బాహుబలి62 ఇంకా చూడలేదు. త్వరలోనే సినిమా చూస్తాను, ఈ సినిమా కూడా తనకు ఎంతో నచ్చుతుందని భావిస్తున్నాను అని షారుక్ ఖాన్ తెలిపారు.