ఆరేళ్లు టార్చర్ అనుభవించా: విడాకులపై సింగర్ కౌసల్య

ఆరేళ్లు టార్చర్

నేను ఏదో క్షణికావేశంలో విడాకులు తీసుకోలేదు. వైవాహిక జీవితంలో దాదాపు ఆరేళ్లు టార్చర్ అనుభవించాను. అంతకు మించి భరించడం నా వల్ల కాలేదు. అందుకే విడాకులు తీసుకోవాల్సి వచ్చిందని కౌసల్య తెలిపారు.

Recommended Video

Singer Suchitra Leaks Kissing Pictures of Rana, Trisha

ఇలాంటివి ఊహించలేదు

పెళ్లైన పదహారు రోజులకే భర్త కొట్టాడు. అందరి ముందు తీవ్రమైన అసభ్య పదజాలం ఉపయోగించి తిట్టేవాడు. అతడి ప్రవర్తన చూసి అతడి పేరెంట్స్ కూడా షాకయ్యేవారు. వారి ఫ్యామిలీలో ఎవరికీ లేని తిట్టడం, కొట్టడం లాంటి అలవాట్లు ఇతడికి ఎలా వచ్చాయని బాధపడే వారు అని కౌసల్య తెలిపారు.

స్వేచ్ఛ ఉండేది కాదు

అతడితో కలిసి ఉన్నంత సేపు స్వేచ్ఛ ఉండేది కాదు. నా ఇష్టాలతో సంబంధం లేకుండా అతడి ప్రవర్తన ఉండేది. నేను చీరకట్టుకునే విషయంలో, చివరకు బొట్టు పెట్టుకునే విషయంలో కూడా అలా, ఇలా అని చెప్పేవాడు. అయినా సరే సర్దుకుపోయాను. ఆ వేధింపుల మధ్య, హింస మధ్య ఉండటం నా వల్ల కాలేదు, అందుకే విడిపోవాల్సి వచ్చింది అని కౌసల్య తెలిపారు.

కొడుకు విషయంలో కూడా

నా విషయంలో ఎన్ని చేసినా భరించాను. కానీ కొడుకు విషయంలో కూడా బాధ్యతగా ఉండేవాడు కాదు. అలాంటి వ్యక్తితో ఉండటం కంటే విడిపోవడమే మంచిదని నిర్ణయించుకున్నట్లు కౌసల్య తెలిపారు.

మరో మహిళతో సంబంధం

నాతో ఉన్నప్పటి నుండే వేరే మహిళతో సంబంధం పెట్టుకున్నాడు. వారికి సంబంధించిన వార్తలు కూడా చాలా విన్నాను. ఓ సారి నా కొడుకు వారిని స్వయంగా చూశాడు. విడిపోవడానికి ఇంతకు మించిన కారణం అవసరం లేదని కౌసల్య తెలిపారు.