రికార్డు రేటుకు ‘స్పైడర్’ ఓవర్సీస్ రైట్స్, లాభాలు రావాలంటే..?

రూ. 15 కోట్లకు‌పైగా

ప్రముఖ డిస్ట్రిబ్యూషన్ సంస్థ ఈ సినిమాకి సంబంధించిన ఓవర్సీస్ హక్కులను సొంతం చేసుకుందట. అందుకుగాను వాళ్లు 15.2 కోట్లను చెల్లించినట్టు సమాచారం. మహేష్ బాబు కెరీర్లో ఓవర్సీస్ కి సంబంధించి ఈ స్థాయి రేటు పలకడం ఇదే తొలిసారి.

Recommended Video

AR Murugadoss, Mahesh Babu film is super hot overseas | Telugu Filmibeat

లాభాలు రావాలంటే...

రూ. 15.2 కోట్లు ఖర్చు పెట్టి సినిమాను కొన్న డిస్ట్రిబ్యూటర్ కు లాభాలు రావాలంటే సినిమా కనీసం 3 మిలియన్ డాలర్లు వసూలు చేయాల్సి ఉంటుంది. తెలుగు, తమిళం, హిందీలో విడుదలవుతుంది కాబట్టి ఆ మొత్తం వసూలు కావడం పెద్ద కష్టమేమీ కాదంటున్నారు విశ్లేషకులు.

స్పైడర్

'స్పైడర్' సినిమాకు సంబంధించిన షూటింగ్ దాదాపుగా పూర్తయింది. మహేష్ బాబు, రకుల్ ప్రీత్ సింగ్ మీద ఒక సాంగ్ మాత్రమే బ్యాలెన్స్ ఉంది. రొమేనియాలో ఈ సాంగ్ చిత్రీకరించనున్నారు. పోస్టు ప్రొడక్షన్ పనులు పూర్తి చేసి విజయదశమి సందర్భంగా 'స్పైడర్‌'ను ప్రేక్షకుల ముందుకు తీసుకురాబోతున్నారు.

భారీ బడ్జెట్

130 కోట్ల భారీ బడ్జెట్ తో తెరకెక్కుతున్న స్పైడర్ లో మహేష్ ఇంటిలిజెన్స్ ఆఫీసర్ గా కనిపించనుండగా, రకుల్ మెడికల్ స్టూడెంట్ పాత్ర పోషిస్తుంది. ఎస్ జె సూర్య విలన్ గా నటిస్తున్న సంగతి తెలిసిందే.

తెర వెనక

ఈ చిత్రానికి సంగీతం: హేరిస్‌ జయరాజ్‌, సినిమాటోగ్రఫీ: సంతోష్‌ శివన్‌ ఎఎస్‌సి.ఐఎస్‌సి, ఎడిటింగ్‌: శ్రీకర్‌ప్రసాద్‌, ప్రొడక్షన్‌ డిజైనర్‌: రూపిన్‌ సుచక్‌, ఫైట్స్‌: పీటర్‌ హెయిన్‌, సమర్పణ: ఠాగూర్‌ మధు, నిర్మాత: ఎన్‌.వి.ప్రసాద్‌, కథ, స్క్రీన్‌ప్లే, దర్శకత్వం: ఎ.ఆర్‌.మురుగదాస్‌.