Don't Miss!
- Sports ఐపీఎల్లో అదరగొడుతున్న అన్ క్యాప్డ్ ప్లేయర్లు వీళ్లే..
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- News సెంటిమెంట్ కలిసొస్తే - అదే ఫలితం రిపీట్...!!
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
- Technology ఎయిర్ కండిషనర్ AC ను కొనుగోలు చేయాలని ప్లాన్ చేస్తున్నారా... అయితే ఇవి తెలుసుకోండి..!
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
కూతురికోసం ఆ స్టార్ హీరో విడాకులు రద్దు చేసుకున్నాడు
భార్య నుంచి విడాకులు తీసుకునే ఆలోచనను విరమించుకున్న కిచ్చా సుదీప్వీరి నిర్ణయాన్ని కోర్టు స్వాగతించింది. విడాకుల పిటిషన్ ను కొట్టివేసింది.
కన్నడ స్టార్ హీరో కిచ్చా సుదీప్ తన భార్య నుంచి విడాకులు తీసుకునే ఆలోచనను విరమించుకున్నట్టుగా ఆయన కోర్టుకు తెలియజేశారు. ఈ మేరకు సుదీప్తో పాటు అతని భార్య కూడా బెంగళూరు ఫ్యామిలీ కోర్టుకు తమ అభిప్రాయాన్ని తెలియజేశారు. ఇక నుంచి తామిద్దరం కలిసే జీవిస్తామని వారు తెలిపారు. దీంతో వారి విడాకుల పిటిషన్ను కోర్టు కొట్టివేసింది.
దాదాపు రెండేళ్ల కిందట సుదీప్, ఆయన భార్య ప్రియ లు విడాకులు కోరుతూ కోర్టుకు ఎక్కారు. పద్నాలుగేళ్ల తమ వైవాహిక జీవితానికి ముగింపు పలకాలని నిర్ణయించుకుని వారు న్యాయస్థానాన్ని ఆశ్రయించారు. అప్పటి నుంచి ఇందుకు సంబంధించిన విచారణ కొనసాగుతోంది.
విచారణకు సుదీప్ హాజరు కాకపోవడంతో.. వాయిదాలు పడుతూ వచ్చింది. ఈ నేపథ్యంలో సుదీప్, ప్రియలు మనసు మార్చుకున్నట్టుగా సమాచారం. తమ కూతురు శాన్వీ భవిష్యత్తును పరిగణనలోకి తీసుకుని విడాకులు తీసుకోకూడదని నిర్ణయించుకున్నట్టుగా ఈ దంపతులు కోర్టుకు తెలియజేశారు.
తామిద్దరం కలిసే ఉండాలని అనుకుంటున్నామని కోర్టుకు తెలియజేస్తూ.. విడాకుల పిటిషన్ ను వెనక్కు తీసుకుంటామని కోర్టుకు తెలియజేశారు. వీరి నిర్ణయాన్ని కోర్టు స్వాగతించింది. విడాకుల పిటిషన్ ను కొట్టివేసింది. భార్య కోరినట్టుగా విడాకులు ఇచ్చి, భారీ స్థాయిలో భరణాన్ని ఇవ్వడానికి కూడా సుదీప్ సిద్ధమయ్యాడని.. అయితే కూతురి కోసం వాళ్లిద్దరూ కలిసి జీవించాలని నిర్ణయించుకున్నారని.. ఆ హీరో తరఫు లాయర్ వివరించారు.