Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
రాజమౌళి వెపన్స్ పై అల్లరి నరేష్ విసుర్లు
హైదరాబాద్: రాజమౌళి చిత్రాలన్నిటిలోనూ హీరోకి ప్రతీసారి ఓ కొత్త తరహా ఆయుధాన్ని ఇస్తూండటం మనికి తలెసిందే. రాజమౌళి ప్రత్యేకంగా డిజైన్ చేసే ఆ వెపన్స్ పై అల్లరి నరేష్ విసుర్లు విసరబోతున్నాడు. అల్లరి నరేష్ తాజా చిత్రం సుడిగాడులో భీమినేని శ్రీనివాసరావు ఈ ఆయుధాలపై కామెడీ చేస్తున్నారు. ఈ మేరకు ఆయన ఓ పోస్టర్ సైతం వదిలారు. ఆ పోస్టర్ లో ...రాజమౌళి సినిమాల్లో హీరోలు వాడిన ఆయుధాల్ని వేసి,మరో ప్రక్క అల్లరి నరేష్ వాటికి భిన్నంగా...అరటిపండు తొక్క,టీవి,ల్యాప్ టాప్, వేళ్లు ని వాడుతున్నట్లు గా చూపించారు. అయితే ఈ పోస్టర్ చూసిన వారు నవ్వుకోవటాకి బాగానే ఉన్నా సినిమా అటూ ఇటూ అయితే నవ్వులు పాలు అవ్వాల్సి వస్తుంది అంటున్నారు.
అల్లరి నరేష్, మోనాల్ గజ్జర్ జంటగా దర్శకుడు భీమనేని శ్రీనివాసరావు దర్శకత్వంలో బెంగళూరులోని లెనిన్ గ్రూప్ ఆఫ్ కంపెనీ అధినేత చంద్రశేఖర్ డి.రెడ్డి రూపొందించిన పూర్తి వినోదాత్మక చిత్రం 'సుడిగాడు'. ఈ నెల 24న ఈ చిత్రం ప్రపంచవ్యాప్తంగా అన్ని ముఖ్య కేంద్రాలలో విడుదల కాబోతోంది. ఇప్పటివే విడుదలైన పాటలు, ట్రైలర్లు, వినూత్నరీతిలో పోస్టర్లు ప్రతి ఒక్కరిచే ప్రశంసలు అందుకుంటున్నాయి.
అల్లరి నరేష్ మాట్లాడుతూ...మహేష్బాబు కాదు కానీ పోకిరి రేంజ్లో పంచ్ డైలాగులు చెబుతాడు... రోబోలో రజనీకాంత్లా వంద తుపాకులు ఒకేసారి పేల్చేస్తాడు... భారతీయుడిలో కమల్హాసన్లా మర్మకళ ప్రదర్శిస్తాడు... మిత్రవింద కోసం మగధీరుడి అవతారమెత్తుతాడు. ఇన్ని విషయాలు తెలిసిన ఓ కుర్రాడి చుట్టూ తిరిగే కథే మా చిత్రం అన్నారు నరేష్. తమిళ సూపర్ హిట్ తమిళ పదం రీమేక్ గా రూపొందున్న ఈ చిత్రాన్ని భీమినేని శ్రీనివాస రావు డైరక్ట్ చేస్తున్నారు. ఈ చిత్రంలో దాదాపు ఈ మధ్య కాలంలో వచ్చిన తెలుగు సినిమాలు అన్ని స్పూఫ్ లు ఉంటాయి. పూర్తిగా సినిమాలపై స్పూఫ్ గా తయారైన ఈ చిత్రం వచ్చే నెలలో విడుదల చేయనున్నారు. పాటలు ఈ నెలలో నే విడుదల చేస్తారు.
'సుడిగాడు'కి ట్యాగ్ లైన్..'ఒకే టిక్కెట్పై 100 సినిమాలు' అని పెట్టారు. 'సుడిగాడు'ట్రైలర్స్ విడుదలై మంచి క్రేజ్ తెచ్చిన సంగతి తెలిసిందే. ఆ క్రేజ్ తో ఓవర్ సీస్ బిజినెస్ లో అల్లరి నరేష్ కెరీర్ లో ఇంతవరకూ కొత్త రికార్డుని క్రియేట్ చేసింది. నలభై ఐదు లక్షలకు ఈ చిత్రాన్ని అమ్మినట్లు సమాచారం. అదే విధంగా ఆంధ్రాలోని ఏరియా వైజ్ బిజనెస్ కూడా మంచి రేటు పలుకుతోందని తెలుస్తోంది. పవన్ కళ్యాణ్,వెంకటేష్ వంటి స్టార్స్ ని డైరక్ట్ చేసిన బీమినేని తొలిసారిగా అల్లరి నరేష్ ని డైరక్ట్ చేసి బిజినెస్ కు హైప్ తెచ్చారు. చంద్రమోహన్, బ్రహ్మానందం, అలీ, ఎమ్మెస్ నారాయణ, చలపతిరావు, కోవై సరళ, హేమ తదితరులు ఇతర పాత్రధారులు. ఎగ్జిక్యూటివ్ నిర్మాత: వివేక్ కూచిభొట్ల, సంగీతం: శ్రీవసంత్, ఛాయాగ్రహణం: విజయ్ ఉలగనాథ్. ఈ చిత్రంలో అల్లరి నరేష్ హిట్ చిత్రాల పేరడీ చేస్తూ కథ నడుపుతూంటాడు. మోనాల్ గజ్జర్ హీరోయిన్ గా చేస్తున్న ఈ చిత్రానికి చంద్రశేఖర్.డి.రెడ్డి నిర్మాత.