చెక్కమొద్దులా ఉన్నాడు, నటన రాదన్నారు.. ఇపుడు వారెక్కడ?

నేను ఇక్కడే ఉన్నా, నా గురించి రాసినవారెక్కడ?

అప్పట్లో నాపై ఇలాంటి వార్తలు రావడంతో బాధ పడ్డాను. దాంతో మరింత కష్టపడాలనే కసి పెరిగింది. 26 సంవత్సరాలుగా నేను ఇండస్ట్రీలోనే ఉన్నాను, మరి నా గురించి అలా రాసిన వారు ఇప్పుడు ఎక్కడ ఉన్నారో తెలియదు అని సునీల్ శెట్టి అన్నారు.

ఇప్పటికీ విద్యార్థినే

తాను ఇఫ్పటికీ ప్రతిరోజూ కెమెరా ముందుకు విద్యార్థిలా వెళ్తానని, కెమెరా ముందుకు వెళ్లాక నేర్చుకునేది చాలా ఉంటుంది, ప్రతి రోజూ కొత్త విషయాలు ఉంటాయని, ప్రతి చిన్న విషయాన్ని నేర్చుకుంటూనే ఉంటాను, అలా అయితేనే ఈ రంగంలో ముందుకు సాగుతామని సునీల్ శెట్టి అన్నారు.

యాక్టింగ్ అడ్డా

టాటా స్కై డీటీహెచ్ వారు యాక్టింగ్ లెస్సన్స్ నేర్పే ఛానల్ ‘యాక్టింగ్ అడ్డా' ఒకటి లాంచ్ చేసారు. ఈ సందర్భంగా తాను నటుడిగా తొలి నాళ్లలో ఎదుర్కొన్న విమర్శలను సునీల్ శెట్టి గుర్తు చేసుకున్నారు.

డబ్బు అవసరం లేదు, టాలెంట్ ఉంటే చాలు

నటనా రంగంలో రాణించాలనుకునే వారికి డబ్బు అవసరం లేదు, యాక్టింగ్ టాలెంట్ ఉంటే చాలు. ఎంత కష్టపడితే అంత మంచి ఫలితాలు ఈ రంగంలో అభిస్తాయని సునీల్ శెట్టి చెప్పుకొచ్చారు. ఈ కార్యక్రమంలో సునీల్ శెట్టితో పాటు అజయ్ దేవగన్ కూడా పాల్గొన్నారు.