తమిళ రాకర్స్ ఆటకట్టు.. గౌరీ శంకర్ అరెస్ట్.. హీరో విశాల్ ఏంత పని చేశాడంటే

సినీ ప్రముఖుల హెచ్చరికలతో...

దక్షిణాది సిని పరిశ్రమలో రిలీజైన చిత్రాల కాపీలను పైరసీలోకి మార్చి వెబ్ సైట్లలో అప్ లోడ్ చేయడంలో తమిళ రాకర్స్ చాలా పాపులర్. బాలీవుడ్, హాలీవుడ్, సౌత్ చిత్రాలను పైరసీగా మార్చే టోరంట్స్ వెబ్ సైట్ మూతపడిన తర్వాత తమిళ రాకర్స్ పైరసీ వెబ్ సైట్ గా పాపులర్ అయింది. పైరసీని అడ్డుకునేందుకు తమిళ రాకర్స్ సంస్థను పలుమార్లు సినీ ప్రముఖులు హెచ్చరించారు. పోలీసులకు ఫిర్యాదు కూడా చేశారు.

విశాల్ మూడేళ్ల పోరాటం...

భారీ బడ్జెట్ తోపాటు చిన్న చిత్రాలను నిబంధనలకు విరుద్ధంగా పైరసీ చేస్తున్న తమిళ రాకర్స్ నిర్వాహకులపై హీరో విశాల్ గత మూడేళ్లుగా పోరాటం చేస్తున్నారు. పలుమార్లు నిర్వహాకులను హెచ్చరించారు. అంతేకాకుండా తమిళ నిర్మాతల మండలి ఎన్నికల్లో గెలుపొందిన తర్వాత విశాల్ మాట్లాడుతూ.... తమిళ రాకర్స్ ఆట కట్టించడమే మా ముందున్న ఏకైక లక్ష్యమని అన్నారు.
అందుకు ఓ యువ జట్టు గెలిచిందని పేర్కొన్నారు.

గౌరీ శంకర్ అరెస్ట్...

సినీ ప్రముఖుల అభ్యర్థన మేరకు స్పందించిన పోలీసులు... తమిళ రాకర్స్ అధినేత గౌరీ శంకర్ ను చెన్నైలో అరెస్ట్ చేశారు. ఈ అరెస్ట్ వెనుక విశాల్ విశేష కషి కారణమని ప్రధానంగా కోలీవుడ్ లో వినిపిస్తుంది. ఈ సందర్భాన్ని పురస్కరించుకుని విశాల్ మాట్లాడుతూ... గౌరీ శంకర్ అరెస్ట్ చేయగానే తమిళ రాకర్స్ మూత పడింది. అదే ఈ వెబ్ సైట్ కు చెందిన మరో ఇద్దరు కీలక వ్యక్తులను అరెస్ట్ చేస్తే పైరసీ భూతాన్ని కూకటి వేళ్లతో పెకలించవచ్చనే ధీమాను వ్యక్తం చేశారు.

ఈ ఏడాది మలయాళంలోకి...

ప్రస్తుతం విశాల్ తుప్పారివాలన్ అనే చిత్రంలో నటిస్తున్నారు. అంతేకాకుండా ఈ ఏడాది మలయాళంలో కూడా రంగ ప్రవేశం చేయనున్నారు. మోహన్ లాల్ నటిస్తున్న విలన్ చిత్రంలో విశాల్ ఓ కీలక పాత్ర పోషిస్తున్నారు. ఓ వైపు నటనను కొనసాగిస్తునే మరో వైపు చిత్ర పరిశ్రమకు సంబంధించిన సమస్యలను చాకుచక్యంగా పరిష్కరిస్తున్నారు.