Click it and Unblock the Notifications
మహేష్ బాబు ప్లాపుల్లో ఉన్నాడు కాబట్టే డేట్స్ ఇచ్చాడు
అలాగే....డిఫరెంట్ టైపాఫ్ సినిమాలు తీయాలని ఉంది. ఇండియాలో కమర్షియల్, ఆర్ట్.. ఇలా రెండు రకాల సినిమాలున్నాయి. ఆర్ట్ అంటే మరీ ఆథెంటిక్గా ఉంటాయి. బి. నరసింగరావుగారు తీసిన 'దాసి'లాంటివి అన్నమాట. ఆ సినిమాలు చూస్తున్నప్పుడు జీవితాలను చూస్తున్నట్లనిపిస్తుంది. 'అత్తారింటికి దారేది', 'ఎవడు'.. ఇలాంటివన్నీ అవుట్ అండ్ అవుట్ కమర్షియల్స్. ఇలా కాకుండా ఆథెంటిక్ సినిమాలో కమర్షియల్ వేల్యూస్ ఉండేలా, కమర్షియల్ వేల్యూస్ ఉన్న చిత్రం ఆథెంటిక్గా ఉండేలాగ. ఆ రెండిటికీ మధ్య ఉన్న గోడ తీసేయాలన్నది నా ఆశయం. నేను తీసిన 'చిత్రం'ని తీసుకుంటే ... అటు కమర్షియల్గానూ ఉంటుంది. అలాగే ఆర్టిస్టిక్గా కూడా ఉంటుంది. దాన్ని ఒప్పుకోవడానికి కొంచెం టైమ్ పట్టొచ్చు. కానీ, ఆడియన్స్ అన్ని రకాల సినిమాలు చూడ్డానికి రెడీగా ఉన్నారు. మేమే తియ్యడంలేదు అని చెప్పుకొచ్చారు.
మహేష్బాబు తర్వాత వేరే స్టార్ హీరోస్తో ఎందుకు సినిమాలు చేయలేదో కారణం చెప్తూ.... తెలుగు హీరోలందరూ ఓ ఫిక్స్డ్ ఫార్మట్లో ఉన్నారు. స్లో మోషన్లో నడవాలి, ఆరు పాటలు, ఫైట్లు ఉండాలి. మిగిలినదాంట్లో కథ చెప్పాలి. ఇప్పుడు 'స్వాతిముత్యం'లాంటి సినిమాని నేను తెలుగులో తీయాలనుకున్నాననుకోండి.. ఒక్క హీరో పేరు చెప్పండి. ఏం మన హీరోల్లో యాక్ట్ చేసే కెపాసిటీ లేదా? అంటే... మహేష్బాబు, ఎన్టీఆర్లాంటివాళ్లు అద్భుతంగా చేయగలుగుతారు. కానీ చెయ్యరు. కమర్షియల్ గిరి నుంచి బయటికి రావడానికి వాళ్లు ఇష్టపడటంలేదు. అందుకే నేను పెద్ద స్టార్స్తో చెయ్యను అని తెగేసి చెప్పారు.
ఇక జనాలకు నిజం చెబితే నచ్చడంలేదు. 'నిజం' సినిమాలో మీరు నిజం అనుకునేవన్నీ నిజాలు కాదు... అంతా అబద్ధమే అని చెప్పాను. అందుకే 'ఇట్స్ ఎ లై' అన్నాను. ఇప్పుడు 'అబద్ధం'లోనూ అస్సలు నిజం లేదు అంటున్నా. అయితే, ఏకంగా టైటిలే పెట్టి సినిమా తీశా. వెయ్యి అబద్ధాలాడి హీరో ఎలా పెళ్లి చేసుకున్నాడు? అన్నదే ఈ 'వెయ్యి అబద్ధాలు' చిత్రకథ అని అన్నారు.
Continue with Google