Click it and Unblock the Notifications
తెలంగాణ మార్చ్కు సినీ హీరోలు మద్దతివ్వాలి
తెలంగాణ ప్రత్యేక రాష్ట్రం డిమాండ్తో ఈనెల 30 టిజేఏసీ ఆధ్వర్యంలో కవాతు కార్యక్రమానికి సన్నాహాలు చేస్తున్న సంగతి తెలిసిందే. కేంద్ర ప్రభుత్వం ప్రత్యేక రాష్ట్ర డిమాండ్ను రోజు రోజుకు జాప్యం చేస్తుండటంతో తెలంగాణ ప్రత్యేక రాష్ట్ర వేడి రగిల్చేందుకు ఈ కార్యక్రమానికి శ్రీకారం చుట్టారు.
తెలంగాణ ప్రత్యేక రాష్ట్రం ఏర్పాటు వల్లనే ఇక్కడి కళాకారులకు న్యాయం జరుగుతుందని, ఇక్కడి దర్శక నిర్మాతలు సినిమాల రంగంలో నిలదొక్కుకోగలుతారని తెలంగాణ ఫిల్మ్ చాంబర్ సభ్యులు అటున్నారు. ఇప్పటికే చాలా మంది తెలంగాణకు చెందిన వారు ప్రాంతీయ వివక్షకు గురయి సరిగా అవకాశాలు అందిపుచ్చుకోలేక పోతున్నారని, పరిశ్రమలో అగ్రనటులుగా ఎదిగిన వారిలో ఈప్రాంతం నుంచి చాలా తక్కువగా ఉండటమే ఇందుకు నిదర్శనమన్నారు. ప్రతిభ ఉన్నప్పటికీ అవకాశాలు రాకనే వెనకబడి పోయారని అంటున్నారు. తెలంగాణ ఫిల్మ్ చాంబర్ ఏర్పాటు చేయడానికి అదే ప్రధాన కారణం అని స్పష్టం చేస్తున్నారు.
Continue with Google