సినీనటుడి హైలెవల్ ఫ్రాడ్ బట్టబయలు.. సంతకాలు చూపించి దోచేశాడు!

ఘరానా మోసం

హైదరాబాద్ లోని బంజారాహిల్స్ ప్రాంతంలో ఖాదర్ బాషాతో పాటు మరికొందరికి 3 ఎకరాలకు పైగా స్థలం ఉంది. వారిని బురిడీ కొట్టించిన రామచంద్ర బాబు 20 లక్షలు ఇస్తానని నమ్మించి కొన్ని పాత్రలలో సంతకాలు పెట్టించుకున్నాడు. ఆ సంతకాలతో నకిలీ పత్రాలు సృష్టించాడు. ఈ నకిలీ పత్రాలు ఉపయోగించి శ్రీనివాస్ అనే వ్యక్తిని మోసం చేసినట్లు తెలుస్తోంది.

ఆ స్థలం నాదే అని నమ్మించి

సంతోష్ నగర్ కు చెందిన శ్రీనివాస్ అనే వ్యక్తికి రామచంద్ర బాబు ఈ నకిలీ పత్రాలు చూపించాడు. ఆ స్థలం నాదే అని నమ్మించి అతడితో ఓ ఒప్పందం కుదుర్చుకున్నాడు. తనకు 60 లక్షలు డబ్బు ఇస్తే స్థలంలో 25 శాతం వాటా ఇస్తానని నమ్మించాడు. దీనితో శ్రీనివాస్ అతడికి 60 లక్షలు ముట్టజెప్పినట్లు తెలుస్తోంది. వీరిద్దరికి కర్నూలుకు చెందిన ఓ రాజకీయనాయకుడు మధ్యవర్తిగా ఉన్నట్లు తెలుస్తోంది.

అసలు నిజం తెలుసుకుని

రామచంద్ర బాబు మరోమారు కూడా శ్రీనివాస్ వద్ద 50 లక్షలు తీసుకున్నట్లు తెలుస్తోంది. కొన్ని రోజుల తరువాత శ్రీనివాస్ కు అనుమానం వచ్చి ఆరా తీయగా అసలు ఆ స్థలం అతడిది కాదని తెలిసింది. తాను పూర్తిగా మోసపోయానని శ్రీనివాస్ కంగుతిన్నాడు.

బెయిలుపై బయటకు

ఈ కేసు విషయంలో 2009లోనే రామచంద్ర బాబుపై కేసు నమోదైంది. ఆ సమయంలో తీసుకున్న బెయిలు గడువు పూర్తి కావడంతో అతడిని పోలీసులు ఇటీవల అరెస్ట్ చేశారు. చిన్న చిన్న వేషాలు వేసుకునే రామచంద్ర బాబు ఇలా భారీ చీటింగ్ కు పాల్పడి చిక్కులు కొనితెచ్చుకున్నాడు.