మరో విజయం: సెమీస్‌లో తెలుగు వారియర్స్

By Bojja Kumar

Published: Sunday, January 25, 2015, 17:51 [IST]

హైదరాబాద్: సెలబ్రిటీ క్రికెట్ లీగ్-5 లో తెలుగు వారియర్స్ విజయ పరంపర కొనసాగిస్తున్నారు. ఎల్బీ స్టేడియంలో శనివారం సాయంత్రం జరిగిన మ్యాచ్ లో మన జట్టు కర్ణాటక బుల్డోజర్స్ పై విజయం సాధించింది. తొలుత బ్యాటింగ్ చేపట్టిన కర్ణాటక బుల్డోజర్స్ నిర్ణీత 20 ఓవర్లలో 7 వికెట్ల నష్టానికి 187 పరుగుల చేసింది.

188 పరుగుల విజయ లక్ష్యంతో బరిలోకి దిగిన వారియర్స్ 18.4 ఓవర్లలోనే 4 వికెట్లు కోల్పోయి లక్ష్యాన్ని ఛేదించింది. తెలుగు వారియర్స్ జట్టు సభ్యుడు, హీరో ప్రిన్స్ 50కి పైగా పరుగులు చేసి మ్యాన్ ఆప్ ది మ్యాచ్ అవార్డు అందుకున్నారు. ఈ విజయంతో తెలుగు వారియర్స్ హ్యాపీగా ఉన్నారు. టైటిల్ సాధిస్తామనే ధీమతో ఉన్నారు.

వరుసగా మూడు మ్యాచులు గెలిచి ఆరు పాయింట్లతో తెలుగు వారియర్స్ పాయింట్ల పట్టికలో అగ్రస్థానంలో నిలిచి సెమీస్‌కు దూసుకెళ్లింది. గ్రూఫు ఏ లో రెండో స్థానంలో కర్ణాటక బుల్డోజర్స్ జట్టు ఉంది. జనవరి 31న హైదరాబాద్ లో జరిగే మొదటి సెమీ ఫైనల్ లో తెలుగు వారియర్స్ జట్టు గ్రూఫు బి పాయింట్ పట్టికలో రెండో స్థానంలో ఉన్న జట్టుతో తలపడనుంది. ఫిబ్రవరి 1న హైదరాబాద్ లో ఫైనల్ మ్యాచ్ జరుగనుంది. స్లైడ్ షోలో మ్యాచ్ ఫోటోలు.