20వేల అద్దె ఇంట్లోకి మారాను, అప్పుడు బ్రతకాలనిపించలేదు: నాగబాబు

అత్యంత దుర్భరమైన స్థితి

అవి తన జీవితంలో అత్యంత దుర్భరమైన రోజులు అని.... తీవ్రమైన ఆర్థిక సంక్షోభం ఎదుర్కొన్న సందర్భమని... ఆ సమయంలో లక్ష రూపాయల అద్దె ఇంటి నుంచి రూ. 20 వేల అద్దె ఇంటికి మారిపోయానని ఆవేదన వ్యక్తం చేశారు.

నాపై నాకే జాలి, ఆత్మహత్య చేసుకోవాలనుకున్నా

అప్పుడు తన పరిస్థితి ఇలా మారిపోయిందేంటా? అని తనపై తానే జాలిపడేవాడినని, ఒక దశలో ఆత్మహత్య చేసుకోవాలని కూడా భావించాను, బ్రతికేందుకు కారణాలు కనిపించలేదు, కుటుంబం గుర్తొచ్చి ఆగిపోయాను అని నాగబాబు తెలిపారు.

అన్నయ్యను అడగలేక, తమ్ముడికి చెప్పలేక

ఆ సమయంలో అన్నయ్యను అడగలేక, తమ్ముడికి చెప్పలేక తీవ్రమానసిక సంఘర్షణను అనుభవించాను. నా జీవితంలో అంతదారుణమైన మానసిక సంఘర్షనను ఎప్పుడూ ఎదుర్కోలేదని నాగబాబు తెలిపారు.

నేను అఘాయిత్యం చేసుకుని ఉంటే..

ఆ సమయంలో నేను అఘాయిత్యం చేసుకుని ఉంటే అన్నయ్య, తమ్ముడు పరువు మంటగలిసి పోతుందని కూడా ఆలోచించాను.... అందుకే వెనకడుగు వేశాను అని నాగబాబు గుర్తు చేసుకున్నారు.

వారే తనకు ఆసరాగా నిలిచారు

నా పరిస్థితి తెలుసుకుని అన్నయ్య, తమ్ముడు ఆసరాగా నిలిచారు. వారి వల్లే నేను మళ్లీ నిలదొక్కుని పూర్వస్థితికి చేరుకుంటున్నాను అని నాగబాబు తన జీవితంలోని గడ్డు రోజులను గుర్తు చేసుకున్నారు.