చిరు కూతురుతో గొడవ: పరిస్థితి మరింత దిగజారింది, నిషేధం?

చిరు కూతురు సుష్మితతో గొడవ

చిరంజీవి 150వ సినిమా ఖైదీ నెం.150 చిత్రానికి చిరు కూతురు సుష్మిత కాస్టూమ్ డిజైనర్ గా చేస్తోంది. అయితే కాస్టూమ్స్ విషయంలో చిరంజీవి కూతురుతో కేథరిన్ గొడవ పడిందట. దీంతో వెంటనే ఆమెను సినిమా నుండి తప్పించారు.

పొగరుబోతు తనమా?

చిరంజీవి లాంటి పెద్ద స్టార్ తో చేసే సమయంలో అదుపులో ఉండాల్సిన విషయం మరిచిపోయి..... సెట్స్ లో గొడవ చేయడం లాంటివి చేస్తే ఏం జరుగుతుందో ఆమెకు ఇప్పుడు అర్థమైందని, ఇప్పటికైనా ఆమె తన పొగరుబోతు ఆటిట్యూడ్ మార్చుకోవాలని అంటున్నారు.

ఆమెతో ఇబ్బందే

అయితే కేథరిన్ తో ఇబ్బందే అని ఆమెతో గతంలో పని చేసిన ఫిల్మ్ మేకర్స్ అంటున్నారు. సెట్స్ కు, సినిమా ఫంక్షన్స్ కు ఆమె సమయానికి రాదని, ఆమెతో షోలు ప్లాన్ చేసిన ఈవెంట్ ఆర్గనైజర్లు కూడా ఇబ్బంది పడ్డ సందర్భాలు అనేకం ఉన్నాయని టాక్.

నిషేదం..?

క్రమ క్రమంగా కేథరిన్ అంటే... టాలీవుడ్లో ఎవరికీ నచ్చడం లేదని, ఆమెతో సినిమాలు, లేదా ఏదైనా కార్యక్రమాలు చేసేందుకు ఆసక్తి చూపడం లేదని, తాజాగా చిరంజీవి కూతురుతో గొడవ తర్వాత చాలా మంది ఆమెను తీసుకోవడానికి కూడా భయ పడుతున్నారని, అనధికారికంగా ఆమెపై నిషేదం అమలులోకి వచ్చినంత పరస్థితి కనసాగుతోందని అంటున్నారు.