హీరో శ్రీకాంత్ ఇంట్లో విషాదం.. సినీ ప్రముఖుల సంతాపం

కొన్ని నెలలుగా ఆ వ్యాధితో..

శ్రీకాంత్ తండ్రి మేకా పరమేశ్వరరావు గత కొంతకాలంగా ఊపిరితిత్తుల వ్యాధితో బాధపడుతున్నారు. ఈ మేరకు నాలుగు నెలలుగా స్టార్ హాస్పిటల్ లో చికిత్స తీసుకుంటున్న ఆయన గత రాత్రి (ఆదివారం 11 గంటల 45 నిమిషాలకు) కన్నుమూశారు.

స్వగ్రామం.. కుటుంబ వివరాలు

1948 మార్చి 16వ తేదీన కృష్ణాజిల్లా మేకావారిపాలెంలో జన్మించిన పరమేశ్వరరావు కర్ణాటకలోని గంగావతి జిల్లా బసవపాలెంకు వలస వెళ్లారు. ఆయన భార్య పేరు ఝాన్సీ లక్ష్మి. కుమార్తె నిర్మల, కుమారులు శ్రీకాంత్, అనిల్.

పలువురు సినీ ప్రముఖుల సంతాపం.. అంత్యక్రియలు

శ్రీకాంత్ తండ్రి మరణ వార్త తెలిసి పలువురు సినీ ప్రముఖులు తమ తమ సంతాపం వ్యక్తం చేస్తున్నారు. ఈ రోజు (సోమవారం) మధ్యాహ్నం రెండు గంటల తరువాత మహాప్రస్థానంలో పరమేశ్వరరావు అంత్యక్రియలు జరుగుతాయని కుటుంబ సభ్యులు తెలిపారు.