త్రివిక్రమ్ డైరక్షన్: రామ్ చరణ్, ధోణి లతో...

హైదరాబాద్ : రామ్ ఇండియన్ క్రికెట్ టీమ్ కెప్టెన్ ఎమ్.ఎస్ ధోణి కలిసి తెరపై కనిపించనున్నారు. వీరిద్దరినీ త్రివిక్రమ్ డైరక్ట్ చేయబోతున్నారు. అయితే సినిమాకోసం వీరిద్దరూ కలవటం లేదు. పెప్సీ యాడ్ కోసం ఈ కాంబినేషన్ సెట్ అయ్యింది. రామ్ చరణ్ కి,ధోణి కి ఇది సంవత్సరం పాటు కాంటాక్ట్ ఇది. ధోణి ఆరు కోట్లు, రామ్ చరణ్ నాలుగు కోట్లు తీసుకుంటూంటే, యాడ్ డైరక్ట్ చేసినందుకు త్రివిక్రమ్ 3 కోట్లు తీసుకోబోతున్నారని వినికిడి. డిసెంబర్ లో యాడ్ మన ముందుకు వస్తుంది.

మరో ప్రక్క రామ్ చరణ్, త్రివిక్రమ్ శ్రీనివాస్ కాంబినేషన్లో త్వరలో ఓ మెగా మూవీ రాబోతోంది. విశ్వసనీయంగా ఫిల్మ్ నగర్ నుంచి అందిన సమాచారం ప్రకారం ఈ సంవత్సరంలో ఈ ప్రాజెక్టు ప్రారంభం కాబోతోంది. 2010లో త్రివిక్రమ్ దర్శకత్వంలో రామ్ చరణ్ పెప్సి యాడ్లో నటించినప్పటి నుంచి ఈ వార్తలు వినిపిస్తున్నప్పటికీ....ఈ సారి మాత్రం ఈ వార్త నిజం కాబోతుందని తెలుస్తోంది. ఈ మేరకు రామ్ చరణ్ కి ఓ కథ చెప్పి ఓకే చేయించుకున్నట్లు సమాచారం. త్వరలోనే ఈ విషయమై నిర్మాత,మిగతా సాంకేతిక నిపుణల సమాచారంతో కూడిన పూర్తి ప్రకటన వచ్చే అవకాసం ఉంది.

ఇక ఇప్పటికే ఈ చిత్రానికి సంబంధించిన స్టోరీలైన్ ఓకే అయిందని, ప్రస్తుతం ఈ ఇద్దరు కమిటైన సినిమాలు పూర్తయిన తర్వాత ఈ చిత్రం ఫ్లోర్ మీదకు రానున్నట్లు తెలుస్తోంది. స్క్రిప్టు వర్కు, డైలాగులు తదితర పనులు పూర్తి కావాల్సి ఉంది. ప్రస్తుతం పవన్ కళ్యాణ్‌తో సినిమా చేసి విడుదల కోసం ఎదురు చూస్తున్న త్రివిక్రమ్ శ్రీనివాస్ ఈ చిత్రం పూర్తయిన తర్వాత చరణ్ సినిమాపై దృష్టి పెట్టనున్నాడు. రామ్ చరణ్ ప్రస్తుతం తెలుగులో వంశీ పైడిపల్లి దర్శకత్వంలో చేసిన 'ఎవడు' విడుదలకు సిద్దంగా ఉంది.