హోమ్

న్యూస్

హైదరాబాద్: ఉదయ్‌ కిరణ్, జాస్మిన్ జంటగా నెక్కంటి ఆంజనేయస్వామి ప్రొడక్షన్స్ పతాకంపై శ్రీ దర్శకత్వంలో వి.శివకుమార్ నిర్మించిన చిత్రం 'దిల్ కబడ్డీ'. ఈ చిత్రం విడుదలకు సిద్ధమవుతోంది. ఫిబ్రవరి 5న ఈచిత్రాన్ని విడుదల చేసేందుకు సన్నాహాలు చేస్తున్నారు.

ఇటీవల ఉదయ్ కిరణ్ ఆత్మహత్య చేసుకుని మరణించిన నేపథ్యంలో.....ఈ చిత్రం విడుదల సర్వత్రా చర్చనీయాంశం అయింది. ఉదయ్ కిరణ్ నటించిన చివరి సినిమా కావడంతో ఈ సినిమా చూసేందుకు పలువురు అభిమానులు ఆసక్తి చూపుతున్నారు. సినిమా విడుదల అవుతుందన్న విషయాన్ని సోషల్ నెట్వర్కింగులో షేర్ చేసుకుంటున్నారు.

ప్రేమ పయనంలో మనసులు ఆడే దోబూచులాట ఎలా ఉంటుందనే అంశంతో ఈచిత్రాన్ని తెరకెక్కించారు.'దిల్ కబడ్డీ' చిత్రానికి కెమెరా: ఎస్.రాజశేఖర్, పాటలు: భాస్కరభట్ల, ఎడిటింగ్: నందమూరి హరి, సంగీతం: సునీల్ కాశ్యప్, మాటలు: కేశవ్ పి. నిర్మాత: వి.శివకుమార్, కథ, స్క్రీన్‌ప్లే, దర్శకత్వం: శ్రీ.

ఉదయ్ కిరణ్ ఆత్మహత్యకు సంబంధించిన వివారల్లోకి వెళితే....ఈ నెల 5న రాత్రి 11 గంటల సమయంలో హైదరాబాద్ శ్రీనగర్ కాలనీలోని తన నివాసంలో......ఎవరూ లేని సమయంలో ఉరి వేసుకుని ఆత్మహత్య చేసుకున్నాడు ఉదయ్ కిరణ్. తాను ఆశించినట్లు తన సినిమా కెరీర్ సాగక పోవడంతో మానసిక సంఘటర్షణకు లోనైన ఉదయ్ ఈచర్యకు పాల్పడ్డట్లు పోలసుల ప్రాథమిక విచారణలో తేలింది.