ఉపాసన వాటిని తగలబెట్టేసింది... నెగెటివ్ థాట్స్, ఒత్తిడే కారణం! (వైరల్ వీడియో)

ఒత్తిడికి గురైన ఉపాసన

ఉపాసన అపోలో ఆసుపత్రి వ్యవహారాలు, అపోలో ఫౌండేషన్ బాధ్యతలు చూసుకుంటూ రోజంతా క్షణం తీరిక లేకుండా గడుపుతుంటారు. ఈ క్రమంలో ఒత్తిడికి గురి కావడం, నెగెటివ్ థాట్స్ రావడం లాంటివి సహజం. వాటిని ఎలా అధిగమించానో చెబుతూ ఉపాసన వీడియో పోస్టు చేసింది.

పేపర్ కాల్చేస్తూ వీడియో...

ఉపాసన పోస్టు చేసిన వీడియోలో. కొన్ని పేపర్లు కాల్చి వేస్తున్నట్లు అందులో ఉంది. అలా చేయడం ద్వారా తన మనసులోని నెగెటివ్ థాట్స్, ఒత్తిడి నుండి దూరం అయ్యానని చెప్పుకొచ్చారు ఈ కొణిదెల కోడలు పిల్ల.

కాల్చేసి బెటర్‌గా ఫీలైన ఉపాసన

‘మీతో ఓ టెక్నిక్ షేర్ చేసుకోవాలనుకుంటున్నాను. ఇది మీరూ కూడా ఫాలో అయితే చాలా బెటర్ గా ఫీలవుతారు. నిన్న రాత్రి నేను ఈ టెక్నిక్ ట్రై చేశాను. నా మైండ్ క్లియర్ అయింది. ఎలాంటి నెగెటివ్ ఆలోచనలు లేకుండా మంచి నిద్ర పట్టింది. ఉదయం లేవగానే ఎంతో ఫ్రెష్ ఫీలింగ్ వచ్చింది' అని ఉపాసన తెలిపారు.

ఇలా చేయండి సింపుల్

ఒత్తిడి, నెగెటివిటీని దూరం చేయడానికి ‘మీరు చేయవలసిందల్లా రోజంతా మీ మదిలో ఉన్న నెగెటివ్ థాట్స్ అన్నీ ఒక పేపర్ మీద రెండు మూడు సార్లు రాయండి. అలాంటి ఆలోచనలు మీ మదిలో ఎందుకు వచ్చాయి, కారణాలు ఏమిటో విశ్లేషించండి. మీకు తప్పకుండా సమాధానం దొరుకుతుంది. వెంటనే మీకు ఒత్తిడి మాయం అవుతుంది. స్లీప్ బెటర్, ఫీల్ బెటర్ అంటూ ఉాపాసన అభిమానులకు స్ట్రెస్ బర్నింగ్ టెక్నిక్ వివరించారు.