కొత్త కుర్రాడు కుమ్మేసాడా? (‘ముకుందా’ ప్రివ్యూ)

హైదరాబాద్ : ఎప్పుడెప్పుడా అని మెగాభిమానులు ఎదురుచూస్తున్న రోజు వచ్చేసింది. మరో మెగా నట వారసుడు, మెగా బ్రదర్ నాగబాబు తనయుడు వరుణ్ తేజ్ హీరోగా నటించిన తొలి చిత్రం ‘ముకుందా' ఈ రోజు రిలీజ్ అవుతోంది. భారీ అంచనాలతో వస్తున్న ఈ చిత్రంలో కుర్రాడు కొత్త అయినా కుమ్మేసాడు అంటున్నాడు. ఎక్కడా బెరుకులేకుండా తన నటనతో బాగానే ఆకట్టుకున్నట్లు తెలుస్తోంది. రామ్ చరణ్, అల్లు అర్జున్ లీగ్ లో ఈ కుర్రాడు తొలి సినిమాతో చేరినట్లే అని చెప్తున్నారు.

https://www.facebook.com/TeluguFilmibeat

ఒక చిన్న పట్టణం నేపథ్యంలో సాగే కథ ఇది. ముకుంద అనే ఓ యువకుడి ప్రేమపై స్థానిక పరిస్థితులు ఎలాంటి ప్రభావం చూపించాయి? వాటి నుంచి బయట పడేందుకు అతను ఏం చేశాడు? అనే విషయాలు ఆసక్తికరం. యాక్షన్ అంశాల మేళవింపుతో తెరకెక్కిన ప్రేమకథా చిత్రమిది. పల్లెటూరి అనుబంధాలు, ప్రేమలు, రాజకీయాలు యువతరంపై ఏ విధమైన ప్రభావాన్ని చూపుతున్నాయనే అంశాన్ని ఈ చిత్రంలో చూపిస్తున్నాం. ఎలాంటి అంశాలకు ప్రభావితం కాని ఓ కుర్రాడి జీవితం ప్రేమ కారణంగా ఎన్ని మలుపులు తిరిగింది అనేది ఆసక్తికరంగా ఉంటుందని ఈ చిత్రం కథ గురించి చెప్తున్నారు.

వరుణ్ తేజ్ మాట్లాడుతూ.... ‘చదువు పూర్తి చేసుకున్న ఓ యువకుడు జీవితానికి దారి వెతుక్కునే మార్గంలో ఉండగా విలేజ్‌ పొలిటిక్స్‌ అతన్ని ఏ విధంగా ఇబ్బంది పెట్టాయి. వాటిని అధిగమించి అతను తన గమ్యాన్ని ఏ విధంగా చేరుకున్నాడు అనేది తెలుసుకోవాలంటే సినిమా చూడాల్సిందే'' అన్నారు. ఈ చిత్రంతో తో కేవలం ఫ్యామిలీ ఆడియన్స్ కి మాత్రమే కాదు మాస్ ని కూడా అలరిస్తానని అంటున్నారు.

దర్శకుడు చిత్ర విశేషాలు తెలియజేస్తూ... ఇదివరకు నేను తెరకెక్కించిన చిత్రాలకి భిన్నంగా యాక్షన్‌కి ప్రాధాన్యమిస్తూ ఈ చిత్రాన్ని తీర్చిదిద్దుతున్నా. ప్రతీ సన్నివేశం సహజంగా కనిపించాలని భీమవరం, అమలాపురం, తాడేపల్లిగూడెం, ద్రాక్షారామం, సామర్లకోట తదితర ప్రాంతాల్లో చిత్రీకరణ జరిపాం. యువతరం భావోద్వేగాల్ని ప్రతిబింబిస్తూ సాగే ఈ చిత్రం అందరికీ నచ్చేలా ఉంటుంది. వరుణ్‌తేజ్ నటన, పూజా హెగ్డే గ్లామర్ ఈ సినిమాకు ప్రధాన ఆకర్షణగా నిలుస్తాయి అన్నారు.

బ్యానర్: లియో ప్రొడక్షన్స్
నటీనటులు: వరుణ్‌తేజ్, పూజాహెగ్డే , రావు రమేష్, రఘుబాబు, ప్రకాష్‌రాజ్, రావు రమేష్, నాజర్, రఘుబాబు, తదితరులు
సంగీతం: మిక్కీ.జే.మేయర్,
పాటలు: సిరివెన్నెల సీతారామశాస్త్రి,
కెమెరా:మణికందన్,
ఎడిటింగ్: మార్తాండ్.కె.వెంకటేష్,
ఆర్ట్: ఎ.ఎస్.ప్రకాష్.
కథ,స్క్రీన్ ప్లే, దర్శకత్వం: శ్రీకాంత్ అడ్డాల
నిర్మాత: నల్లమలుపు బుజ్జి
సమర్పణ: ఠాగూర్ మధు
విడుదల తేదీ: 24 డిసెంబర్,2014