అదిరింది గురూ..అనాలని (వీడియో)

రీమేక్‌ కథల రారాజుగా పేరు తెచ్చుకున్న వెంకీ..దృష్టి బాలీవుడ్‌ చిత్రం 'సాలా ఖడూస్‌'పై పడింది. ఈ చిత్రాన్ని తెలుగులో 'గురు' పేరుతో విడుదల చేస్తున్నారు. ఇప్పటికే విడుదలైన 'గురు'లో వెంకీ లుక్‌ అందరినీ ఆకట్టుకుంటోంది. అలాగే ఈ చిత్రం టీజర్ ని క్రిసమస్ కానుకగా విడుదల చేయాలని నిర్ణయించినట్లు సమాచారం. ఈ టీజర్ ని ని చూడగానే సినిమాపై అంచనాలు పెరిగేలా ప్లాన్ చేస్తున్నట్లు చెప్తున్నారు.

ఇటీవలే పట్టాలెక్కిన ఈ చిత్రం షూటింగ్‌ చక చక సాగుతోంది. సంక్రాంతి లోగా ఈ చిత్రాన్ని సిద్ధం చేయాలని చిత్ర యూనిట్ ప్రణాళికలు రచించింది. తెలుగులో వెంకీ శైలికి తగ్గట్టు కొన్ని మార్పులు చేశామని, హిందీ సినిమా చూసిన వాళ్లకూ 'గురు' కొత్తగా కనిపిస్తాడని దర్శక,నిర్మాతలు చెప్తున్నారు.