హోమ్

న్యూస్

ఆఫర్స్ లేక అవస్దలు పడుతున్న వేణు మాధవ్ తనను తాను నిరూపించుకోవటానికి విశ్వ ప్రయత్నాలు చేస్తున్నాడు.ఆ మధ్యన ప్రేమాభిషేకం..వీడికి కాన్సర్ లేదు టైటిల్ తో చిత్రం నిర్మించిన వేణు మాధవ్ ఇప్పుడు దర్శకత్వంలోకి దూకబోతున్నట్లు సమాచారం.తన తోటి కమిడియన్స్ బిజీగా ఉంటూంటే తాను ఫేవడవుట్ అయిన లుక్ తో పరిశ్రమలో తిరగలేకే ఈ నిర్ణయానికి వచ్చినట్లు ఆయన సన్నిహితులు చెప్తున్నారు.అయితే నిర్మాతగా కాల్చుకున్న వేణు మాధవ్ అనవసరంగా డైరక్టర్ అయ్యి వచ్చే అడపా దడపా వేషాలను కూడా పోగొట్టుకునేలాగ ఉన్నాడని సీనియర్స్ అంటున్నారు.

ఇక హీరోగా వేణు మాధవ్ చేసిన భూకైలాస్,ప్రేమాభిషేకమే అతని కెరీర్ ని నాశనం చేసాయని,హీరోగా చేసాక వెనక్కి వెళ్ళి కమిడయన్ గా వేషాలు వేయటం కేవలం అలీకి మాత్రమే సాధ్యమైందని అంటున్నారు.వేణుమాదవ్ తానో స్టార్ హీరోగా ఊహించుకుని బిల్డప్ ఇవ్వటం వల్లనే స్టార్ హీరోలంతా అతన్ని తమ సినిమాల్లోలేకుండా ప్రక్కన పెట్టారని చెప్పుకుంటున్నారు.ఇక దర్శకత్వం కూడా చేసేస్తే దర్శకులకు కూడా విరోధమవుతాడని,హిట్ కాకపోతే ఇండస్ట్రీలో చాలా కష్టమని చెప్తున్నారు.అయినా వేణుమాధవ్ ఇవన్నీ లెక్క చేసే స్ధితిలో లేడంటున్నారు.