అదిరింది గురూ...అంటున్నారు, మీరు చూసారా (వీడియో)

వెంకటేష్‌ కెరీర్‌లో హిట్లు కొట్టిన చిత్రాల్ని లెక్క వేస్తే అందులో రీమేక్‌ కథలే ఎక్కువ ఉంటాయి. రీమేక్‌ కథల రారాజుగా పేరు తెచ్చుకున్న వెంకీ..దృష్టి బాలీవుడ్‌ చిత్రం 'సాలా ఖడూస్‌'పై పడింది. ఈ చిత్రాన్ని తెలుగులో 'గురు' పేరుతో విడుదల చేస్తున్నారు. 'గురు'లో వెంకీ లుక్‌ ఇది వరకే బయటకు వచ్చింది.

ఇప్పుడు దీపావళి సందర్భంగా మరో లుక్‌ని బయటపెట్టారు. ఇటీవలే పట్టాలెక్కిన ఈ చిత్రం షూటింగ్‌ చక చక సాగుతోంది. డిసెంబరులోగా ఈ చిత్రాన్ని సిద్ధం చేయాలని చిత్ర యూనిట్ ప్రణాళికలు రచించింది. తెలుగులో వెంకీ శైలికి తగ్గట్టు కొన్ని మార్పులు చేశామని, హిందీ సినిమా చూసిన వాళ్లకూ 'గురు' కొత్తగా కనిపిస్తాడని దర్శక,నిర్మాతలు చెప్తున్నారు.